SNBA a cuminsa accion di firma na fabor di Secrets Hotel na Seroe Colorado

SAN NICOLAS – E asosacion di representantenan comercial di San Nicolas, San Nicolas Business Association (SNBA) diamars mainta oficialmente a anuncia nan campaña di firma, e instrumento cu nan ta kere ta necesario pa principalmente scapa e proyecto hotelero di Secrets na Seroe Colorado, cu ta e campaña di firma ‘Say Yes to Secrets’ aunke cu nan ta mustra cu e por tin e nomber tambe di ‘Say Yes to San Nicolas’. A dicidi pa tuma e riendo aki segun e presidente Errol de Freitas, cu e meta pa haya e pulso pa cu e proyecto aki.  

E FORMA DI FIRMAMENTO

E presidente a presenta un documento oficial cu ta e documento pa depone e firma di e ciudadano, cual documento tin lugar pa 15 nomber pa pagina, cual documento ta rekeri datonan di e persona cu firma esaki. E motibo ta pa eventualmente si kier valida e nombernan, esaki por tuma lugar tambe. Asina por controla y vigila cu tur cos a bay na ordo. Esnan cu ta interesa pa firma por bay na varios punto na Aruba unda cu personanan por pasa y firma y dentro di dos dia e lo ta online tambe pa por firma esaki digitalmente. Mester bisa cu durante e conferencia di prensa, no a duna e lugarnan ainda unda cu por firma. Potret cortesia Noticia Impacto.