Polis na Rotterdam: ‘Homber cu a tira durante Zomercarnaval ta Antiano di 26 aña’

WILLEMSTAD -  Polis na Rotterdam awe ta duna di konosé ku e persona ku supuestamente a tira durante un insidente na Zomercarnaval djasabra último, ta un Antiano. Polis ta duna di konosé ku ta trata di un hòmber di 26 aña ku a nase na Antia Hulandes, asina polis a bisa.

Manera ta konosí polis a arestá tres persona djasabra último. Un hòmber di 21 aña for di e siudat Gulpen, un hòmber di 42 aña for di siudat Leeuwarden. Na promé instansia no tabata kla ken a tira. Awor polis a laga e hòmber di 21 i di 42 aña bai kas. E persona di 26 aña no por sali i tin ku presentá su mes na wes komisario e siman aki.

Pa e otro dos persona no tin sufisiente prueba na e momento aki. Pero segun polis e investigashon ta andando.

E tiroteo  a tuma lugá despues dje marcha. Polis na Rotterdam ta duna di konosé ku djasabra anochi e persona antiano a tira riba e hòmber di 21 aña. Despues polis a tira riba e tiradó. Ámbos persona mester a bai hospital. Pero segun Ministerio Públiko nan no ta den peliger di morto. No ta konosí si un òf dos di nan te ainda ta den hospital.

Pa motibu di e tiroteo un un muhé a keda herida. El a wòrdu hiba na hospital. E tres hòmber ku tabata enbolbí den e kaso, un hòmber di 42 aña fo’i Leeuwarden, a wòrdu arestá djasabra pa posibel envolvimentu di e tiroteo.

‘Rijksrecherche’ ta hasi investigashon na e insidente pa motibu ku uso di arma dor di polis. Segun polis esaki ta normal den tur kaso di uso di arma dor di polis na Hulanda.

Djasabra atardi tabatin un otro tiroteo na Rotterdam. Polis ta ainda ta buska e persona ku a tira. Den e insidente niun hende a keda herida.

E tiroteo ku a tuma lugá despues dje marcha por tin un konsekuensia grandi pa loke ta aktividat karnavalesko di mas grandi di Hulanda. E partido mas grandi di Rotterdam, Leefbaar Rotterdam, a duna di konosé ku nan ke stòp ku evento di Zomercarnaval. Segun e partido tur aña tin insidente ku arma i violensia durante Zomercarnaval. Segune partido no tin niun motibu pa sigui ku e fiesta.

Desishon pa stòp ku Zomercarnaval lo tin konsekuensia hopi grandi. Manera cu nosa skirbi ayera kaba: Ta basta evento ta tuma lugá den e siman promé ku e marcha i den kombinashon ku e marcha ta sòru pa un spin-off ekonómiko grandi pa e siudat di Rotterdam. NOTA: Texto ta scirbi den Papiamento fonetico di Corsou.