Organisacion di Zomercarnaval ta lamenta violencia ocuri y politica kier aclariacion

ROTTERDAM – E organisacion di zomercarnaval na Rotterdam ta considera e violencia durante e evento di weekend tristo y lamentable. Ta trata di incidente cu dos caso di tiramento den centro di e ciudad diasabra. “Ta tristo cu esaki ta sosode”. Karel Willems, presidente di e organisacion a bisa. Segun e organisadornan, e evento di dos dia a sigui cana bon. Pero e municipio di e ciudada y politica local tin critica fuerte. E alcalde ta considera e incidente como inaceptabel y ta bisa cu e ta un problema cu ta bolbe cada bes y cu nan kier aclariacion. 

MAS DI BINTI DETENCION

Durante e festival a detene por lo menos 28 person. Un di nan tabata diabierna anochi y e resto riba diasabra. Tambe a confisca dos arma. Mayoria di e detencion tabata pa buracheria of no tin identificacion. Un hoben di 15 aña tabatin un arma blanco  y a listre pasobra e tabata envolvi den un peleo. 

TIROTEO

E carnaval a keda mancha pa e incidentenan di tiramento. Tabata na Coolsingelunda cu e prome tiramento a tuma lugar. Aki ningun hende a resulta herida. Anochi a sigui e di dos caso di tiramento na e mesun lugar y e ora a para e programa carnavalesco. E caso tabata cu un homber arma a tira un otro, y despues polis a tira esun cu a los e prome tiro, heridando e. Fuera di e victima y esun cu a tira, a detene un di tres persona tambe.