Corsou cu viktoria den prome wega di Senior League World Series

SOUTH CAROLINA - Selekshon di Senior League Liga Pabou ayera a efektuá nan promé wega den e Senior League World Series na Easley, South Carolina den representashon di Kòrsou i Karibe. Esaki ora nan a enfrentá e representashon di e region Oropa/Afrika kual tabata Hulanda. E selekshon aki tabatin vários yu di Kòrsou entre e staf i tambe hungadónan miéntras ku tabatin presensia di Aruba den dje.

E wega mes a resultá di ta un wega kargá ku kareda, hit i tambe vários kambio di bentaha.

Huntu ku esaki e wega a bai extra inning despues ku den di shete inning Liga Pabou a empatá e wega. Esaki despues ku den bòm di seis inning Hulanda a bin bèk i logra pika dilanti. E viktoria a bin pa Kòrsou ora ku den kabes di 8 inning nan ta logra anotá na dos okashon pa asina gana di Hulanda ku skor di 15-13. Den e wega di ayera Kòrsou a anotá 15 kareda riba 20 hit miéntras nan a kometé tambe 2 eror.

Liga Pabou mañan ta bèk den akshon ora ku nan topa ku e representashon di Australia 7.30 or di anochi. NOTA: E texto ta scirbi den Papiamento fonetico di Corsou.