Chauffeur ta perde control y bolter cu su van riba Watty Vos Blvd

ORANJESTAD – Un chauffeur di un van riba Watty Vos Boulevard banda di 6’or y mei diabierna atardi yegando e rotonde di ex-Codemsa, a perde control y dal den baranca den cercania di C-Mart. E impacto a bolter e van y a herida e chauffeur, cu mester a haya atencion medico di personal di ambulance y a keda transporta pa hospital. Esaki ta e di dos accidente den 24 ora riba e boulevard, casi mesun caminda pero otro banda di caminda ora cu un auto a dal den un truck cu tabata muha mata.