Casi 70% di Corsou a keda sin coriente diahuebs merdia debi na fayo

WILLEMSTAD – Por lo menos 70% di Corsou diahuebs merdia a keda sin coriente, cu ta wordo considera como un ‘brown out’, envez di un blackout, cu ta ora cu tur caminda no tin coriente mas. Segun e prome informacion di e compania di electricidad di e isla, Aqualectra, un di nan centronan mas importante di distribucion na Loodcenter Nijlweg a sufri un fayo. “Debi na esaki, varios area ta experenciando problema cu coriente” e mensahe a bisa. No ta conoci con largo e problema lo surgi. E interesante ta cu un biaha mas ta riba un diahuebs, cu Corsou ta haya problema cu coriente. E ultimo dos biahanan cu tabatin problema, esey tabata blackout, tambe esaki a sosode riba un diahuebs.