Ex miembro di AVP a lansa su critica mas fuerte contra Mike Eman desde cu e mes a bandona e partido

ORANJESTAD – Algun luna despues cu e la bandona e partido berde y declara su mes independiente, Ryçond Santos do Nascimento den su ultimo artocilo a lansa su atake mas fuerte contra su awor ex lider Mike Eman. Algun declaracion den su articulo ta resalta, manera “Mike Eman no tin ningun compasion cu e situacion financiero di e trahado”, “Mike Eman a goberna sin disciplina fiscal “ y “Cu tanto oportunidad cu Mike a crea pa corupcion e chens ta grandi cu e friends & family di AVP a defrauda pais na balor di miyones”. E parlamentario ta nombra varios punto den su articulo contra sr Eman, y no ta sconde su malcontento contra e lider di e partido berde. 

RABIA NOBO OF OPRESA

Den pasado recien, ora cu e parlamentario a cuminsa ataca e partido cu cual e la inicia su carera politico, e portal aki a puntre si diripiente e la haya ‘rabia’ riba e partido of ta cosnan cu a acumula durante e tempo cu e la forma parti. Den un programa di noticiacla, por corda cu e la bisa cu ta un combinacion di factor cu a pone cu awor cu e la bay, e por papia mas ‘liber’. Tabata e mesun medio aki, cu na comienso di e entrada di e parlamentario aki, a confronte cu e asunto di awor ex colega Benny Sevinger, y puntre si su union cu e partido ta nifica cu e ta sostene e accion di partido berde e tempo ey di laga Sevinger riba e lista pa e eleccion ey. E tempo ey, e parlamentario a admiti cu e no tabata mucho confortable cu e idea aki, pero a lague te eynan. Pero awor por compronde cu for di comienso tabatin asuntonan cu no ta conta cu sosten di e parlamentario, y cu awor cu e no ta miembro mas, e ta sinti cu e mester vocifera esaki. Di otro banda, hopi ta considera esaki como ‘overkill’ mirando cu ta logico cu e lo no tin cos bon di bisa di e partido, sino e lo no a bandona e partido ora cu e la haci esey. Di otro banda, tin ta mustra cu esaki ta un bon forma di confirma loke hopi tabata pensa caba di e partido, y awor y ex avpista ta ‘basha bou’ y confirma e loke tabata wordo pensa. Por mira esaki tambe como un ‘boost’ pa e partido di coalicion, esta MEP, cu semper a yama e partido berde un partido di corupto. Di otro banda, e parlamentario aki ta lansando atakenan tanto contra MEP como AVP y no a mengua su palabranan pa ambos. Con esaki lo funciona of no pa e parlamentario, tin cu wak ainda. Pa e articulo original cual e portal aki ta referi na dje, por click AKI.