Aruba a bolbe extende ciere di frontera aereo cu Venezuela pa tres luna

ORANJESTAD – Aruba diabierna a extende e ciere di frontera aereo cu Venezuela pa tres luna mas. Esaki ta inclui aviacion general y comercial, (pasahero, carga y post). E abogado aeronautico Rodolfo Ruiz a confirma esaki. Venezuela lo ta riba e lista di paisnan cu ta atenta congtra e seguridad nacional, publica pa e servicio di inteligencia di Hulanda. E prohibicion aki ta tumando lugar desde 9 di maart 2020 tambe como medida cu tabata poni pa e pandemia anterior Covid19, pero cu awor ta sigui te hasta despues cu Covid19 a keda cancela. 

HABRI PA CARGA

E prome minister di Aruba Evelyn Wever Croes recientemente a admiti cu tin e chens cu proximamente lo por habri e frontera pero pa carga aereo so. Esaki den estricto cooperacion cu Venezuela, mescos cu ta e caso awor cu e frontera maritimo, cu a keda habri recientemente pero solamente pa carga manera fruta y berdura.