E Arubiana Glenny Croese a completa su di 35 ‘vierdaagse’ di Nijmegen na Hulanda awe

NIJMEGEN – Awe e evento annual grandi di Nijmegen na Hulanda, esta e asina yama ‘vierdaagse’, a termina unda 47 mil persona a cana 30 km cada un di e 4 dianan aki cuminsando diamars ultimo. Entre nan, tabatin e Arubiana Glenny Croese-Yarzagaray cu e aña aki a participa pa di 35 biaha cu sigur ta un logro. Manera su yiu Sulai ta describi su mama, “ Un Arubiano cu orguyo cu ta biba na Hulanda desde di aña 1973 y cu a cuminsa cana 35 aña pasa” e la bisa Noticiacla cu orguyo. Segun e yiu (cu riba potret ta wanta e bandera banda di su mama cu tin e headpiece bisti), henter un grupo a forma y a sostene e 4 dianan aki y awe a bin hunto na final pa celebra e logro aki cu Glenny. E grupo durante e evento, Nos a asta decora su tent na altura di Radbout UMC ziekenhuis pa por a celebra y sostene Glenny. Pabien na Glenny y cu e por sigui participa hopi aña mas.