Franquisia ‘Duck Donuts’ ta bay establece na Aruba, Bonaire y Corsou

DUCK – E franquisia popular di donuts Mericano, Duck Donuts ta bin Aruba tambe e aña aki. E compania a anuncia e siman aki cu e franquisia Mericano a firma pa un establecimento pa Aruba (Bonaire y Corsou) pa e aña aki. Ki tempo exactamente esaki lo ta, no ta conoci. E ta parti di un acuerdo di 11 acuerdo di franquisia cu ta inclui 20 tienda y un trailer. E ta expande internacionalmente asina, banda di 4 tienda na Irlanda del Norte, cu tienda na Aruba, Bonaire, Corsou y St Maarten. Aworaki e unico localidad internacional ta na Canada, Saudi Arabia y Egipto. E ta bira competencia directo e ora di e franquisia internacional Dunkin’ Donuts, cu por cierto ainda no tin na Corsou, pues e ta bira e prome franquisia di donut cu Corsou ta conoce.   

DUCK DONUTS

E nomber di e negoshi ta pasobra e la origina for di e ciudad di Duck den e estado Mericano North Carolina. Eynan e fundador Russ DiGilio y su famia tabata goza di nan vacacion semper. Pero no por a haya donuts ningun caminda eynan. E ora na 2007 nan a dicidi di cuminsa nan propio negoshi yama apropiadamente Duck Donuts. Awe tin mas di 100 localidad di Duck Donuts na Merca y varios internacional, y pronto na Aruba tambe.