Mariëlle Paul(VVD) ta reemplaza Dennis Wiersma como minister di enseñansa primario y secundario

DEN HAAG – Miembro di Tweede Kamer pa VVD Mariëlle Paul (56) ta reemplasa Dennis Wiersma cu a retira recientemente como minister demisionario pa enseñansa primaria y secundario. Asina fuentenan a informa prensa Hulandes. Paul aworaki ta vocero pa VVD riba enseñansa. E postulacion di Paul a bin como un sorpresa completo pafo di e mundo politico. Nombernan mas conoci tabata entre otro lider di fraccion di VVD  Sophie Hermans y miembro di e camber Bente Becker.Wiersma a retira luna pasa como minister despues di un ola di critica riba su comportacion. Despues di un revelacion na April den e portal Hulandes Telegraaf riba su comportacion explosivo, e tabata bou presion constantemente. E lo a demonstra e mesun tipo di actuacion durante su tempo como secretario di estado di asuntonan social y ora cu e tabata un miembro di Tweede Kamer.