Wever: Hulanda kier contesta di Aruba prome cu 1 september awor, riba status di RAFt

ORANJESTAD – Gobierno di Aruba ta trahando riba e proposicion di ‘Aruba’ pa loke ta e concepto di Rijkswet pa RAFt. “Nos ta poniendo esey riba papel pa nos mandele  p’e” prome minister Evelyn Wever Croes a bisa Noticiacla durante un conferencia di prensa dialuna ultimo. Segun e mandatario, tur informacion a bay verbalmente pasobra segun Wever, Hulanda no tabata kier pa pon’e riba papel. “Pero nos tin cu pone awor riba papel pasobra e gobierno (di Hulanda:red) ta demisionario. Bo no sa kico por pasa mayan, y asina mi por duna cuenta na Parlamento tambe, nos ta poniendo e riba papel pa nos mand’e”.  E mandatario tin speransa cu lo sali for di e unico disputa cu tin ainda entre Aruba y Hulanda. E mandatario a indica tambe cu e lo ta na Hulanda proximamente cu vacacion pero tambe lo usa e momento aki pa papia cu e mandatarionan Hulandes. 

NEGOSACION

E negosacionan segun Wever, ta bayendo bon. “Hulanda kier pa nos duna un contesta mas liher cu ta posibel. Den prome instante nos a haya un carta cu prome cu 1 di September nos tin cu duna un contesta. “Pues nos ta dunando un contesta, pero mi tin tur confiansa cu prome cu 1 september nos ta cla”, e mandatario a finalisa bisando. 

ULTIMATUM DI PAGO DI DEBE

Hulanda a pone e fecha di 10 di oktober como e fecha riba cual Aruba mester paga e debe di Corona bek (fiansa di likides), cu ta un suma di casi un 1 biyon florin. Placa cu Aruba no tin y cu como tal mester wordo refinancia. Hulanda a anuncia cu ta compronde cu Aruba ( y tambe  St Maarten y Corsou) no por paga e debenan aki bek awor sin manca e pais financieramente, pues a ofrece pa refinancia e suma completo a cambio di un interes hopi bou di entre 2 pa 3 porciento. Pa Aruba, a mara e condicion na un aprobacion di ley di Reino pa e supervision financiero, conoci como RAFt, pero Parlamento di Aruba a rechasa e concepto y simplemente no ta mira un necesidad di un RAFt ya cu e LAFt mes ta suficiente pa e control. Hulanda repetinamente, y diabierna ultimo a bolbe ripiti esaki pa Noticiacla cu e no kier desvia di e exigencia aki, ni awor cu e gobierno ta demisionario. E mandatario Hulandes a informa Noticiacla cu e ta bin bek fin di September (algo cu segun premier Wever a bisa Noticiacla dialuna e no tabata na altura mes di dje:red) y ta spera cu prome cu esey, e asunto ta reg