Fundacion Muchila Creativo a tene tayernan di arte pa muchanan cu vacantie

ORANJESTAD - Fundacion Muchila Creativo a organisa di 10 pa 14 di juli 2023 tayernan di arte den vakantie pa muchanan di 4 te cu 12 aña en cooperacion cu Buki di Pret. E tayernan a tuma lugar na cede di Muchila Creativo den Caya Betico Croes 110.En total a participa 126 mucha.  E muchanan a gosa inmensamente di e disciplinanan di arte na unda nan a siña toca blokfluit, presenta cu diferente popchi y experimenta cu arte visual. Riba un dia nan por a disfruta di e tres disciplinanan di arte. Cada dia a bin otro grupo di mucha. Algun mucha a participa tur dia. Por a wak con nan a gosa, siña un tecnica di arte nobo y alabes siña conoce otro mucha. Muchila Creativo ta sumamente satisfecho cu nan por a aporta na e desaroyo di e muchanan aki, pasobra Arte ta hopi importante pa e desaroyo di un ser humano.