Segun investigacion, DUO tabata discrimina ora di investiga fraude cu studiantenan

AMSTERDAM - Dienst Uitvoering Onderwijs (DUO) ta den noticia e siman aki pa supuesto profilacion etnico durante investigacion pa fraude. E portal Hulandes NOS ta raporta cu e ultimo tres añanan e instituto aki a keda alerta por lo menos 3 biaha pa e uso di criteria discriminatorio durante control pa practica fraudulento di studiantenan. Tin e pensamento cu studiantenan cu un backround migratorio, esta studiantenan di afo, hopi biaha ta wordo acusa di fraude cu e financiamento di estudio, sino cu esaki necesariamente ta e caso.  E articulo ta señala tres caso di studiantenan cu lo a bira ‘victima’ di esaki. DUO mientrastanto ta sigura cu nan no a ricibi señal di esaki, siendo cu esaki a resulta di no ta berdad segun e investigacion . Dos abogado a splica di e dudanan aki den casonan contra DUO. Tambe tin un studiante cu na 2021 a entrega un keho oficial contra discriminacion. 

Aruba tambe tin studiantenan cu ta usa DUO pa financiamento, pero no ta conoci si entre e studiantenan aki tambe tin keho riba e tema aki. Den un caso particular, un studiante ta raporta cu e la ricibi un email acusando e ( y 28 otro persona) di fraude. E email ta mustra claramente e nombernan di e otro 28 persona, cu sigur ta un fayo grandi di DUO, pa loke ta privacidad, publicando e nombernan abiertamente. Y di e nombernan tin apenas un par so cu ta Hulandes. Mesora e ta busca un abogado. E suma cu ta culpe di paga bek ta 10 mil euro. Den corte e ta haya rason y no tin cu paga e suma bek.