Competencia pa Twitter, Threads ta ganando tereno cu 100 miyon usario den 4 dia

LOS ANGELES – E applicacion social Twitter tin un competencia serio aworaki desde introduccion di e aplicacion Threads, di e compania madre di Facebook, esta Meta. Den apenas 4 dia di su lansamento, e tin 100 miyon miembro caba, cu ta danki grandemente door di su posibilidad di trece bo netwerk di Instagram, tambe di Meta, pa Threads. Informacion di e compania Cloudflare, ta indica cu Twitter ta conociendo un caida di su ‘miembrecia’, pero Threads por spera algun reto grandi proximamente.  E reto ta  si aki un aña y mey Threads ainda ta interesante y creciendo. E hecho cu e ta di famia di Facebook, Instagram y Whatsapp, no ta un garantia aparentemente. E prueba real ta si e applicacion ta suficientemente interesante y productivo pa  hende sigui use. Ainda tin basta funcion cu no ta operacional, pero ta trahando riba esaki. Entre nan, cu no tin hashtag ainda. Mientras cu Threads ta parce Twitter den hopi aspecto, noticia y politica no ta un tereno cu Threads kier echt atrae. E no ta posibel pa keda leu di dje, pero e compania no kier motiva esaki si. E problema ta cu ainda Threads lo no por ta disponible den Europa debi na e reglanan cu mester aproba prome cu esey.