BZK: Aunke gabinete Rutte a cay, Aruba mester firma RAFt y paga debe na October!

DEN HAAG – Tanto e exigencia di Gobierno Hulandes pa Aruba firma y cumpli cu e ley di Reino di RAFt pa loke ta supervision financiero, como e fecha di October pa cumpli cu e pago e debe di e ayudo di likides, ta keda vigente, no obstante cu Gabinete Rutte IV a bira demisionario diabierna. Asina Ministerio di Relacionan di Reino (BZK) a confirma dialuna mainta pa Noticiacla. Pues aunke cu e gabinete Hulandes ta demisionario, esaki no ta cambia nada na e palabracionan haci. Premier Wever Croes diabierna ainda a bisa noticiacla den su prome reaccion cu ‘por lo pronto’ cosnan no ta cambia cu Hulanda. Pero no tabata sa exactamente kico exactamente ‘por lo pronto’ lo a nifica.