Premier Rutte no ta bolbe como lider di VVD y a anuncia su retiro di politica

DEN HAAG – Premier Hulandes Mark Rutte ta retira di politica. Den un declaracion dialuna mainta prome cu e debate den Tweede Kamer riba e caida di su gabinete, Rutte a sorprende tur hende cu e anuncio cu e no ta lidera e partido VVD pa e proximo eleccion na november y cu e ta retira di politica. E lo keda si como premier demisionario te despues di eleccion ora cu tin un gabinete nobo. E la sorprende tur hende mirando cu diabierna ainda e la bisa cu e ta disponibel pa keda como lider di e partido. “Diadomingomi a dicidi cu mi lo no ta disponibel como lider di e partido VVD na e siguiente eleccion” e la clarifica. E no a bisa kico e lo haci despues cu e termina su funcion.