Gabinete Rutte 4 a cay; no a yega na acuerdo riba asilo politico

DEN HAAG – Gabinete Rutte 4 a cay diabierna anochi, ora di Hulanda. Asina e portal Hulandes di noticia N.O.S. ta raporta. E gabinete no a logra yega na un acuerdo riba medida pa regula e entrada di asilo, segun fuentenan den e gabinete. Cu esaki a bin un fin na e gabinete Rutte 4. E ministernan mas envolvi a reuni riba un ultimo proposicion di secretario di estado Eric vand er Burg, pa un asina yama paro urgente, un tipo di boton cu ta ‘primi’ ora cu tin un necesidad. Claro cu ta trata di un boton ficticio, pero e ta un manera cu den urgencia por actua. Ultimo siman tabatin yen di reunion riba e tema, y premier Rutte a priminti pa e lo bin cu proposicion pa reduci e cantidad di asilo pa drenta.