Mansur: Van Huffelen mester cumpli cu obligacion di derechonan humano igualitario

Mansur: Van Huffelen mester cumpli cu obligacion di derechonan humano igualitario

Posted on 07/5/2023 2:36 pm AST | Updated on 07/5/2023 2:40 pm AST

ORANJESTAD – Parlamentario Miguel Mansur, lider di fraccion ACCION21 a dirigi un carta na secretaria di estado sra. Alexandra van Huffelen, subrayando e urgencia pa adresa e asunto di matrimonio di mesun sexo na Aruba, Corsou y Sint Maarten. “A yega tempo pa Reino Hulandes cumpli cu su obligacionnan y sigura e realisacion di derechonan humano fundamental y libertad pa tur ciudadano, sin importa su orientacion sexual,” sr. Mansur ta expresa. E carta ta respondiendo na contestanan di van Huffelen na Senador Dittrich, den cuadro cu e discrepancia entre e leynan actual di matrimonio y oblicacionnan fundamental pa loke ta derechonan humano. Esaki ta wordo subraya den Articulo 43 di Statuut voor het Koninkrijk der Nederlanden.

E enfasis akinan ta riba violacion di e convencion Europeo pa loke ta derechonan humano, na unda cu e tres paisnan no ta cumpli den ofrece matrimonio na parehanan di mesun sexo of union cu consecuencianan legal mescos. Limita parehanan di mesun sexo na geregistreerd partnerschap ta un solucion ‘separa, pero igual,’ sinembargo historia ta mustra cu un doctrina asina tin su origen den e era di ‘segregacion’ na Merca. Por ehempel hendenan color scur mester a sinta patras di bus, tabata arguenta cu e trato ta separa pero igual paso nan lo yega na e mesun destinacion pero awe nos ta reconoce esey como discriminacion institucionalisa.

Segun Mansur, crucialmente, estudionan conduci na 2021 y 2022 ta revela cu e mayoria di ciudadanonan Arubano ta sostene matrimonio di mesun sexo, un 57% cu ta expresa nan sosten. E resultadonan aki, tambe agrega na e carta manera evidencia, a haya su reconocemento como un finalista den e REED Latino Awards 2022 na e categoria di Digital Survey y Nanotargeting – un acolada dentro di e mundo politico y comunicacion gubernamental.

POLITICA DI MATRIMONIO MESUN SEXO

E politica rond di e tema di matrimonio di mesun sexo na Aruba ta agrega complexidad den e asunto aki. E gobierno actual, forma pa Movimiento Electoral di Pueblo [MEP], tin un mayoria chikito brinda pa dos restzetel y gobierno no ta disfruta di loke ta e sosten mayoritario di votadonan Arubano. Mas ainda, e preguntanan cu fraccion di MEP ta trece dilanti den e raportahe di ley riba matrimonio di mesun sexo ta revela puntonan preocupante caminda e fraccion ta liga matrimonio di mesun sexo na ser maligno pa bienestar di mucha, contra ordo natural y detrimental pa bida psicosocial – un perspectiva desproba pa ciencia, medicina y cu base den prehuicio cu ta contradeci e deseonan di e poblacion Arubano.

‘AINDA TA PERSISTI E FALTA DI DERECHONAN LEGAL’

E caminda den progreso di derechonan LGBT+ na Aruba semper den historia a depende di accion na corte of eleccion di miembronan di e comunidad LGBT+ den oficina publico. Casonan exitoso manera Oduber-Lammers na 2006 caminda un pareha Arubano-Hulandes a bay corte pa registra nan acto di matrimonio na Censo. Mientras cu registracion di matrimonio di mesun sexo a wordo permiti, ela keda simbolico paso ainda ta persisti e falta di derechonan legal acerca.

E contesta di e secretaria di estado riba e pregunta si Reino su obligacion bao Articulo 43 inciso 2, ta wordo cumpli, ainda ta algo cu ta hopi anticipa. Adicionalmente, ta crucial pa tene den consideracion si e secretaria di estado ta na altura di estudionan y si ela combersa cu lidernan di fraccion na Aruba. Cual tambe ta trece claridad riba e factornan cu ta influencia nan posicion riba matrimonio di mesun sexo.

Segun Mansur, considerando e ehempel cu Hulanda a duna na 2010, ora cu matrimonio di mesun sexo a wordo introduci sin reservacion na Bonaire, Saba, y Sint Eustatis, e pregunta imperativo segun sr. Mansur ta bira si extendiendo e solucion aki pa Aruba, Corsou y Sint Maarten ta alinea cu e obligacionnan cu tin para den Articulo 43 inciso 2. E debatenan rond di ‘neo-colonialismo’ no mester ciega e caminda pa igualdad y derechonan humano pa residentenan y miembronan di comunidad LGBT+ den e teritorionan aki. Si nos a siña algo di colonialismo ta cu miembronan di comunidad LGBT+ na e islanan CAS tin e mesun balor cu esnan na Hulanda y islanan BES y ta digno di e mesun derecho y proteccionnan. 

E yamado aki segun Mansur, ta pa bini cu accion urgente pa rectifica e situacion actual, enfatisando cu progreso politico, como tambe igualdad berdadero solamente por wordo logra ora cu matrimonio di mesun sexo ta reconoci y protehi legalmente. Lesa e carta AKI cu e la manda pa Van Huffelen. 

 

 

  • A manda director di Post Aruba NV cas pa haya un 'nobo'

    A manda director di Post Aruba NV cas pa haya un 'nobo'

    ORANJESTAD - “Post Aruba N.V. pa hopi aña ta pasando den dificultad financiero y mester wordo reorganisa pa haci e compania financieramente y operacionalmente stabiel.

  • Wever: A mehora funcionamento di huurcommissie via ley awor

    Wever: A mehora funcionamento di huurcommissie via ley awor

    ORANJESTAD Diahuebs mainta a tuma lugar den parlamento di Aruba e reunion pa cambio den regulacion di Huurcommisie. Ta trata di un cambio di ley den e titulo 7.4 di e Codigo Civil di Aruba (BWA) cu desde 1 september 2021 ta e titulo tocante huurrecht. E tarea, podernan y composicion di e huurcommissie ta wordo regula den titulo 7.4.4 BWA (artt. 7:253 e.v.). 

  • Gobierno ta pone 2.8 miyon florin disponibel pa indexering pa fundacionnan

    Gobierno ta pone 2.8 miyon florin disponibel pa indexering pa fundacionnan

    ORANJESTAD – Diahuebs, gobierno a anuncia cu e ta pone 2.8 miyon florin disponible pa paga fundacionan. “Nos a percura pa stabilidad y awor nos ta percurando pa prosperidad y pa crea espacio financiero pa yuda esnan cu tin mas mester di dj’e”. Tabata durante e Conferencia di Prensa di Gobierno di Aruba, Prome Minister Evelyn Wever-Croes a elabora riba dos topico importante cu ta e indexering pa Fundacionnan y areglo di VUT.

  • Realidad tristo: 99% di abuso sexual di mucha, e abusado ta famia of conoci!

    Realidad tristo: 99% di abuso sexual di mucha, e abusado ta famia of conoci!

    ORANJESTAD -  E realidad tristo ta cu 99% di abuso sexual di mucha, e abusado ta famia of conoci! Asina gobierno di Aruba a recorda e siman aki. Pa trece mas conscientisacion ainda den pueblo, Gobierno a decreta luna di april como Luna Nacional Contra Abuso di Mucha. Riba prevencion, ehecucion y conscientisacion, Gobierno hunto cu Comision Nacional di Abuso di Menor, organisacionnan y fundacionnan gubernamental y no gubernamental, ya a tuma diferente accion pa yuda preveni y combati e crimen grave aki contra nos muchanan. 

  • Geoffrey Wever ta sigui cu partido RAIZ pa proximo eleccion

    Geoffrey Wever ta sigui cu partido RAIZ pa proximo eleccion

    ORANJESTAD – Actual minister pa partido politico RAIZ, Geoffrey Wever ta keda riba lista di e partido, y ta disponible pa e proximo eleccion na 2025. Asina e la confirma e siman aki na periodista Tito Laclé durante e programa Noticiacla LIVE. Cu esaki e ta desbarata varios rumor cu e lo ta tin intencion di bandona e partido prome cu e eleccion parlamentario otro aña. Loke tambe e ta bisa ta cu no ta descarta cu e ta cambia di cartera di minister. Actualmente e ta minister di e.o. Telecomunicacion, Desaroyo Sostenibel y Economia. 

  • Parlamento a bolbe empata cu ley di matrimonio di mesun sexo, cu awor ta rechasa!

    Parlamento a bolbe empata cu ley di matrimonio di mesun sexo, cu awor ta rechasa!

    ORANJESTAD – Parlamento di Aruba diaranson merdia, a bolbe pega ora cu a trata e ley di matrimonio di mesun sexo, cu ta pone cu oficialmente Parlamento ta rechasa e ley. Pa ley, si dos biaha tras di otro, tin un empate, e ley ta oficialmente wordo rechasa. E mesun persona a abstene di vota, cu ta Shailiny Tromp Lee, y e otronan den Parlamento a vota mescos cu a vota ultimo biaha. Osea, esnan cu a vota Pro, tabata e.o. Miguel Mansur A21, Misha Raymond Raiz,  Raymond Kamperveen Raiz, Marisol Tromp Mas, Aquanette Gunn – Mas, Gerlien Croes Independiente, Mervin Wyatt Ras AVP, Mike de Meza AVP, Benny Sevinger AVP, y pa partido Setty Yarzagaray MEP.  Esun cu a abstene di vota ta Shailiny Tromp-Lee. E otronan a vota contra.

  • Varadero
  • Postobon
  • Powered by SETAR