Gabinete Rutte cu conseho urgente pa saca telefon cellular for di klasnan na Hulanda

DEN HAAG – Ministerio di Enseñansa di Hulanda a bin cu un conseho urgente pa scolnan, cu ta stipula cu alumnonan no por drenta klas cu telefon celular mas, si no ta pa un motibo urgente. No ta bin un prohibicion legal, pero un liña di maneho. No ta conoci pa cua forma di enseñansa esaki lo conta. Minister Dijkgraaf ta bisa cu un telefon por ta solamente den un klas pa motibonan medico of si e mester wordo usa pa les. Ultimo luna tabatin hopi discussion riba un prohibicion pa smartphones den klas. Esaki pasobra e por tin consecuencia dañino den klas. 

PROHIBICION

Inicialmente tabatin un resistencia di gobierno pa interveni. Den Tweede Kamer partidonan CDA y PVV a bin cu un peticion pa un prohibicion nacional pa telefon celular den klas, manera cu ta e caso na Francia y Suecia. Pero e gabinete tabata pensa cu e scolnan mes mester a determina nan curso riba e tema. Legalmente lo a dura por lo menos tres aña pa traha un ley riba esaki. Y pa eherce e ley, manera cu Francia a experencia, ta bira mas dificil. Pero mas y mas mayornan ta pro pa un tipo di prohibicion y of un aparato cu ta blokia señal di cellular den klas manera cu tabata usa den teaternan antes.