Merca ta anuncia strategia y ruta pa hidrogeno limpi

WASHINGTON - E Administracion Biden-Harris a anuncia e siman aki nan Strategia y Ruta Nacional di Hidrogeno Limpi di Merca, un meta historico pa aceleracion di produccion, procesamento, entrega, almacenamento y uzo di hidrogeno limpi.

Segun e Departamento di Energia di Merca (DOE), e scenario aki ta presenta un bista amplio di e produccion, transporte, almacenamento y e uzo di hidrogeno na Merca. Tambe e ta presenta un vision di con hidrogeno limpi lo contribui na metanan nacional di decarbonizacion den varios sector den futuro. Aki ta enfoca riba 3 strategianan clave,cual ta dirigi uzonan strategico di impacto halto pa hidrogeno limpi, reduci costo di hidrogeno limpi, y enfoca  ariba rednan regional, incluyendo hubnan regional di hidrogeno limpi. 

E meta historico aki ta analisa specificamente e scenario di demanda den futuro, cu oportunidad strategico pa produccion domestico di 10 miyon di ton metrico (MMT) di hidrogeno limpi anualmente, pa aña 2030, 20 MMT di hidrogeno anualmente pa aña 2040 y 50 MMT di hidrogeno anualmente pa aña 2050. E proyecto aki ta complementa un inversion di $9.5 biyon pa hidrogeno limpi pa medio di e ley di infrastructura bipartidario. Esaki ta un esfuerzo di investigacion y di desaroyo continuo pa gobierno federal, manera tambe incentivonan politico fuerte, incluyendo un credito fiscal nobo pa produccion di hidrogeno limpi den ley di reduccion di inflacion. 

Departamento di Energia (DOE) a remarca cu e meta, desaroya den colaboracion cu otro instancianan federal, a wordo diseña pa ta un, manera nan ta yam’e “Living document”, y lo wordo actualisa minimo cada tres aña. E “Living document” aki, ta refleha riba un reporte recien di Departamento di Energia (DOE), cu ta determina e balor cu e economia di hidrogeno na Merca tin pa cu e potencial di añadi 100.000 trabounan nobo directo y indirecto na  final di e decada.

Segun secretaria di Energia di Merca, Jennifer Granholm, e strategia y ruta di hidrogeno limpi lo pone un fundeshi pa un colaboracion fuerte y productivo entre sector publico y priva y lo guia gobierno y industria pa realiza e potencia di recurso di energia increibelmente versatil aki. 

“Aceleracion di desaroyo di hidrogeno ta clave pa logra e vision di Presidente Biden pa un futuro di energia limpi,economico y sigur.