“Mi intencion ta pa bishita e islanan mas frecuentemente”

ORANJESTAD –“Nos ta hopi contento di ta bek atrobe” SM Rey Willem Alexander a bisa ya na salida for di Aruba awe mainta. Despues di a atende su bishita na EPI awe mainta, e la papia cu prensa y conta di su experiencia. “Ta mi intencion di bishita e islanan mas frecuente” e Rey a sigui bisa. No den e forma pa bishita tur 6 isla pareu, sino pa bin pa evenementonan special. “Y esey tabata un forma perfecto e biaha aki” e rey a finalisa bisando.

REPASA E BISHITA

E Rey a repasa su bishita di tanto Bonaire como Aruba. Loke e Rey a gusta mas ta cu e por a combina e bishita di Dia di Rincon y Sail Aruba cu bishita na e proyecto cu Oranjefonds ta atende cune. Esaki ta e 'Kansenvoorjongeren in de Caraïben",  algo cu a cuminsa un aña y mey pasa. Na tur, e Rey a mustra hopi contento y satisfecho cu e programa completo. “E tabata un programa hopi varia. Hopi contento di ta bek atrobe” e Rey a bisa na final di e bishita pa Aruba.