Prome bufete Americano ta establece su mes na Aruba

ORANJESTAD – E prome bufete Americano ta establece su mes na Aruba. Awe 28 juni 2023 a tuma lugar na Miami e acuerdo official pa e establecimento di e prome bufete Americano riba e islanan di Caribe Hulandes, en particular Aruba. Y esaki ta bira un realidad door di asociacion di e bufete lokal di abogado David Kock cu e oficina di abogado Americano Diaz Reus & Targ LLP cu tin oficinanan na diferente ciudad Mericano y rond mundo, cu nan cede principal na Miami. Na Aruba e bufete lo opera bou di e nomber di 'DavidKock - DiazReus'.

ARUBA TIN UN HISTORIA COMERCIAL LARGO CU MERCA

Según David Kock Aruba tin un historia y lasonan comercial/turistico largo y extenso cu Merca. Na turismo e isla ta ricibi mas di un miyon bishitante Mericano y esaki ta genera issues legal. Por pensa riba contratonan cu e persona aki ta cera, manera compra di cas/condominium of otro propiedad. Esakinan ta requiri asistencia legal. E bisihitantenan aki tambe por wordo confronta cu issues durante nan estadia manera no cumplimiento di contractnan of accidente pero hasta asuntonan di indole criminal of di immigracion, cualnan lo resulta den conflictonan cu mester asistencia di abogado. Naturalmente esaki ta wederzijds, dus pa Arubianonan bishitando Estados Unidos of cu lo por tin asuntonan di immigration of hasta criminal, kende lo mester di ayudo riba territorio Americano.

Fuera di esaki tin tambe asuntonan comercial. Merca ta e economic trader mas grandi di Aruba y tin dus hopi actividadnan comercial cu ta tuma lugar entre e dos paisnan aki. Desde financiamentonan di banconan Americano te na compra y shipping di mercancia of servicionan cu ta word brinda. Den tur e trajectonan aki tin asuntonan legal cu ta aplica pa e empresa Americano pero tambe pa empresarionan Arubiano cu ta haci negoshi cu esunan na Merca.

Pa tur e situacionan aki awor por conta cu bufete Americano na Aruba mes cu lo por asisti tur persona y empresanan, sea si e asunto mester wordo atendi na Aruba of na Merca. 

David Kock ta kere cu esaki ta trece un dinamica nobo y unico den abogacia local y e ta sumamente satisfecho y honra cu un bufete di e categoria y caliber di Diaz Reus & Targ LLP a accepta di asocia nan mes cu nos y hacie partner di nan organizacion.

E bufete Americano DiazReus, y especialmente su socio fundador, señor Michael Diaz ta un abogado sumamente reconoci y renombra cu clientenan international  famoso y tambe empresanan grandi di nombernan conoci (www.diazreus.com)