Trivago: No obstante costo halto, Mericanonan ta prefera Aruba pa zomer 2023

DÜSSELDORF – No obstante retonan economico, Mericanonan ta prefera Aruba como destinacion pa Verano 2023. Por lo menos, Aruba ta figura den e top 10 di destinacionan cu Mericanonan a scohe pa e Verano ak segun Trivago, un Plataforma global di hotel y acomodacion.  Aruba ta na number 7, despues di Turkia y prome cu Hong Kong. E prijs di hospedahe a subi cu 23.6% ultimo dos añanan, pero segun un encuesta di e compania Trivago, turistanan ta sigui biaha, hasta si esey ta nifica busca dealnan special. E encuesta ta mustra cu prijs halto no ta para Mericanonan di biaha y 77% ta planea pa usa nan placa gespaar, pa biaha pa e.o. Aruba. 

POSIBEL RECESION

No obstante un possible recession y aumento di prijs di product, Mericanonan ta sigui planea pa biaha e aña aki. Y aki ta unda cu nan ta scohe e top 10 destinacionan pa e aña aki. Esnan na cabez di e lista ta Honolulu, Hawai’i sigui paTokyo, Japan; Dubai, UAE; Istanbul, Turkia y Lahaina, Hawai’i.

E TOP 10 Destinacionan pa zomer di 2023 pa Mericanonan ta:

Honolulu (USA)

Tokyo (Japan)

Dubai (UAE)

Istanbul (Turkia)

Lahaina (USA)

Antalya (Turkia)

Palm Beach (Aruba)

Hong Kong (Hong Kong)

Belek (Turkia)