Capitan di Picton Castle a ricibi pareha real

ORANJESTAD - Capitan Daniel Moreland di e barco Picton Castle tabatin e honor di ricibi e pareha real diabierna atardi. El a bisa cu tabata un bishita hopi agradabel y interesante. Tambe cu Rey tabtin bon conocemento di e barco mirando su background den marina.Rey tabatin preguntanan pertinente riba e barco y su tripulacion cual ta riba su di 6 biahe rond mundo.Capitan Moreland a bisa cu nan a sali for di nan ruta den Caribe pa bin Aruba mirando cu tempo e tabata chikito el a biba riba nos isla y a sinti cu ta algo leuk pa haci. El a biba aki durante 3 pa 4 aña ora cu su tata tabata consul Mericano akinan. E ta considera Aruba un tremendo lugar pa inicia su bida y for di e tempo ey e tabata kier a regresa Aruba.Tempo el a biba na Aruba solamente tabatin 7 mil habitante riba nos isla y awor ta 120 mil, fuera di esey tin varios otro cambio manera ta e beachnan, prome ta solamente beach unda hendenan abata bay den fin di siman, awor tin varios hotel eynan. Fuera di e cambionan aki Capitan Daniel Moreland a bisa cu e ti su recuerdonan di mucha di nos isla cualnan ta hopi bunita y diferente na e recuerdonan di un adulto.Dialuna nan lo ta bandonando nos puerto den direccion di Nova Scotia.