Bapor di guera Hulandes y Guardacosta a confisca 2000 kilo di droga cerca di islanan ABC

ORANJESTAD - E barku di Marina Zr.Ms. Groningen i Wardakosta Karibe Hulandes djaweps i djabie?rne? marduga? a intersepta? dos transporte di droga i a konfiska? kasi 2.000 kilo di droga.

E barku di Marina Zr.Ms. Groningen, nabegando pa Wardakosta Karibe Hulandes, durante marduga? di djawebs a intersepta? un transporte di droga. Zr.Ms. Groningen despues di e detekshon di e boto sospechoso a lansa dos boto ra?pido di intersepshon di e barku patruyero, e asina yama? FRISC, pa intersepta? e go-fast nan. Una bes na un distansha serka, e FRISC huntu ku e tim di Wardakosta Karibe Hulandes, Skuadron di Infanteria di Flota (Fleet Marine Squadron) i e tripulashon di Zr.Ms. Groningen, a identifika? nan mes na e boto sospechoso, pa medio di sende nan lusnan ’zwaailicht’ blou. Despues di esaki e boto a purba hui ku un velosidat haltu i e tripulashon a kuminsa? tira paketenan den laman. Durante e pe?rsekushon a dispara? tirunan di atvertensha, i finalmente un di e motornan di e go-fast mester a keda desaktiva? pa medio di tirunan dirigi?. E sinku sospechosonan na bordo di e go-fast finalmente a entrega? nan mes. E tim di e FRISC a saka e paketenan ku a keda tira? den laman.

E siguiente marduga? a bolbe detekta? un go-fast den laman Karibe. E biaha aki tabata trata di un go-fast ku shete persona na bordo. Despues di e detekshon di e kontakto, e dos botonan ra?pido di intersepshon di e barku patruyero, esta e FRISC-nan, a keda lansa pa intersepta? e go-fast. E 12 sospechosonan di e go-fastnan ku nashonalidat

Venezolano, ademas di e kontrabanda a keda entrega? na Kuerpo Polisial di Ko?rsou. Un total di kasi 2.000 kilo di droga e keda konfiska? riba e dos go-fast nan.

Zr.Ms. Groningen desde mei 2023 ta aktivo komo barku patruyero den region Karibe, i ta kombina? e operashonnan anti-droga ku sosten na Wardakosta Karibe Hulandes huntu ku dunamentu di asistensia humanitario. NOTA: E texto ta scirbi den Papiamento fonetico di Corsou.