Corsou a emiti codigo gel pa pasada di tormenta Bret

WILLEMSTAD – Debí na e siklon tropikal ku ta aserká ta antisipá resake na kostanan nort i ost di nos isla, ta motibu ku Servisio Meteorológiko Kòrsou a emití un kódigo hel pa laman brutu ta na vigor entrante mei anochi pa djasabra mainta.

Siklon tropikal Bret ta sigui move den un direkshon wèst i drenta área di Karibe, kondishon atmosfériko lo bira gradualmente mas faborabel pa desaroyo di nubianan signifikante riba nos region. Algun di e nubianan aki lo generá momentunan di áwaseru ku posibel welek i bos riba partinan di nos isla, prinsipalmente durante anochi pa mainta.

Tormenta tropikal Bret ta sigui move wèst i drenta área di Karibe durante di próksimo 24 ora. Tormenta tropikal Bret lo pasa ku mayoria wer Nort di Kòrsou durante di djabièrnè anochi pa djasabra mainta. Kòrsou na e momentu aki ta keda pafó di e kono di Bret su trayektoria. Departamento Meteorológiko Kòrsou lo sigui monitoriá desaroyo di tormenta tropikal Bret di aserka i lo drenta den un fase di informashon (kódigo hel) si esaki ta nesesario. NOTA: Texto ta scirbi den Papiamento fonetico di Corsou.