Na Corsou, 185 cas debe total 1.5 miyon florin na awa

WILLEMSTAD  – Problema di kasnan di famia sin awa ta grandi aki na Kòrsou. SOAW a lansa un proyekto kon pa atendé ku e problemátika di awa i e trabounan ta avansando. Minister Ruthmilda Larmonie-Cecilia durante presentashon den Parlamento a splika ku te ku 15 di mei último, tabatin 292 persona ku a aserká Kasnan di Bario i SOAW pa haña un areglo di pago na Aqualectra. Di e kantidat aki 78 a keda rekonektá, sobrá no a tuma e areglo pa motibu ku sea nan tabatin awa kaba i tin un grupo ku no por a kumpli ku e pago di areglo. Manera menshoná SOAW a bin ku un proyekto pa trata di intermediá i t’asina ku te ku dia 6 di yüni último, tabatin 311 persona ku a inskribí riba e “link” di awa ku SOAW a lansa.

SOAW a selektá 185 persona ku a inskribí pa bishita nan na kas, pa wak e situashon ku e personanan aki ta biba aden. Te na e momentunan aki SOAW su hendenan a realisá 161 bishita. E debe total di 185 kas ta mas o ménos 1.5 mion florin. SOAW a logra sanea debe di 21 persona i tin 8 persona den proseso pa keda saneá. Te ainda SOAW tin un krédito na Aqualectra di mas o ménos 600.000 florin pa sena te kaminda ta posibel. Tin hende ta haña supsidio pa awa i te ku mart último SOAW a duna 38 persona supsidio di awa i koriente.NOTA: Texto ta scirbi den Papiamento fonetico di Corsou.