Tormenta Tropical Bret por impacta cruceronan den Caribe incluyendo Aruba

MIAMI – Tormenta tropical Bret por afecta= cruceronan den Caribe den e proximo dianan. Asina e portal Cruise Hive ta raporta diamars, un dia despues cu e tormenta a forma 2100 kilometer oost di e cadena di Islanan Caribense. Y mirando e trayecto proyecta, ta mira cu esaki lo tin su impacto riba e industria crucero, incluyendo te hasta Aruba. 

DESTINACIONAN

Destinacionan popular manera Virgin Islands, Antigua, y Puerto Rico por cuminsa sinti e efectonan for di diahuebs caba, aunke tin hopi inseguridad riba e trayectoria. Su trayecto aworaki tine bayendo west.  E prome areanan pa sinti e impacto lo ta Antianan Menor, manera Antigua y St. Kitts, cu Virgin Islands, y Republica Dominicana sintiendo algun efecto tambe. Depediendo su curso cu e por bira nort mas laat den siman, esey por tin efecto riba otro islanan manera  Turks & Caicos yThe Bahamas. Pero si e sigui west, islanan manera Aruba, Curacao, Jamaica, Cayman Islands, y hasta Mexico y Belize por sinti e efectonan. 

BENEFICIO PA ARUBA

Mes momento, por ta cu cruceronan tin cu desvia pa p.e. Aruba envez di bay otro caminda, debi na e tormenta, cu por beneficia nos isla cu e bishitanan inespera debi na e trayecto di e tormenta.