Pareha Real a yega Aruba

ORANJESTAD - E pareha Real, S.M. Rey Willem Alexander y Reina Maxima a yega Aruba awe nochi cu un charter di Insel Air for di Bonaire. Ora cu nan avion a baha 10:15, nan a wordo ricibi pa S.E. Gobernador Freddis Refunjol y su señora, prome minister Mike Eman y mas minister di gabinete Mike Eman II. Notable ta cu e Rey tabata bisti basta casual, sin bachi cu dashi. Despues di wordo ricibi riba e tapijt cora, nan a wordo transporta den e auto A-1 pa nan hotel anfitrion, esta Hyatt Resort cu lo ta nan cas pa e proximo dianan. E programa mes ta inicia mayan mainta 9:45 ora cu e pareha Real yega na e ex residencia di gobernador. Despues pa 10:50 di mainta e pareha Real ta yega e area di waf pa inicia nan bishita oficial pa Sail Aruba 2015. Nan lo permanece na waf te mas of menos 3'or di atardi. Anochi nan lo bolbe e tereno di waf pa 7;25 di anochi pa presencia e obra teatral Soldaat van Oranje". Pa un cuarto pa 9pm, nan lo bandona waf y regresa nan hotel. Foto di Rey Willem Alexander saludando prome minister Eman ta cortesia oficina di prensa GME II