Na Corsou, CFO Aqualectra; Ta bai investiga: Mester cambia forma di maneha coriente

WILLEMSTAD - “Nos ta realisá ku tin kosnan fundamental ku mester kambia e forma di manehá koriente tantu produkshon i distribushon”, segun e CFO di Aqualectra sra. Neysa Schoop-Isenia. Lo bai investigá pa bin bèk i splika pueblo pa evitá e kosnan aki den futuro.

Señora Schoop-Isenia durante di e rueda di prensa pa splika motibunan di e Blackout ayera a toka diferente punto di remarke i komentarionan den komunidat.

Entre nan si e Blackout di siman pasá tin di aber ku esun di ayera. Segun sra. Schoop-Isenia siman pasá mas oranan di mèrdia tabatin un Blackout ku despues di investigashon a resultá ku ta e kabel ku ta  konektá ku Dokweg i Parera a sufri desperfekto. Na e momentu ei mester a investigá kiko a pasa i nan a hasié i por konfirmá ku ta e kabel a kibra. Riba tereno di un tersero tabata koba ku katapila i el a kibra e kabel di Aqualectra. Na e momentu ei e tersero no a notifiká Aqualectra kiko a pasa. “Nos a logra hasi pasonan hurídiko pa pone e responsabilidat hurídiko na e tersero i e dañonan ku el a kousa pa Aqualectra i terseronan tambe por keda kobra despues for di e kompania ei. Esei ta kanando i nos tin di sòru pa kaba establesé di e Blackout di awor”, segun e gerente.

El a bisa ku nan ta realisá ku tin kosnan fundamental ku mester kambia e forma di manehá koriente tantu pa e parti di produkshon komo distribushon. E investigashonnan lo keda hasí: kon lo hasié nan lo bin bèk riba dje, pasobra mester informá gruponan di interes i despues lo informá pueblo tambe di e kambionan. Tur esaki pa evitá e kosnan aki pasa den futuro.

Esaki segun sra. Schoop-Isenia no ta e nivel di servisio ku Kòrsou meresé di Aqualectra. Nan ta bai hasi e investigashonnan i no ke bisa ku no ta tuma e responsabilidat, pero nan ta tuma i lo sòru pa ta mas stabil den futuro. NOTA: Texto ta scirbi den Papiamento fonetico di Corsou.