Peru confrontando brote pisa di dengue y a causa retiro di minister di salud

LIMA – Peru ta confrontando un brote pisa di dengue. E cantidad di morto a consecuencia di e virus, a bira 248. Hospitalnan ta yen y minister di salud Rosa Gutiérrez a retira a consecuencia di e cantidad di morto y hendenan infecta. E la entrega su retiro diahuebs anochi na congreso di e pais. Presidente Dina Boluarte a yama un estado di emergeciaden 18 di e 24 regionan di e pais. E cantidad di infeccion a aumenta cu 12% na 146.000 caso. E brote ta empeora pa e fenomeno di El Niño segun autoridad di salud di Peru. Door di e calentamento di e awa d laman, lo tin mas musca di dengue cu ta conduci na produci y plama e virus. E virus hopi biaha no ta mortal y hasta casonan grave por wordo trata. Pero descuido di esaki por tin consecuencia mortal.