Gerlien Croes den Noticiacla LIVE: E lo a retira temporalmente di partido si e a bira un sospechoso

ORANJESTAD – Si ta Parlamentario independiente mr Gerlien Croes, e lo a distancia su mes di partido y politica si e tabata Benny Sevinger ora cu e la bira sospechoso di husticia. Asina e parlamentario independiente a bisa periodista Tito Laclé durante e programa Noticiacla LIVE e siman aki. E programa completo ta pasa awe diahuebs anochi pa 9’or riba e plataformanan di Noticiacla.com esta e Facebook page, e website (check e button LIVE) y e app (check e button LIVE) simultanteamente. 

DISTANCIA SU MES

Laclé a confronta e parlamentario cu e pregunta, kico e lo a haci si e tabata den sapato di Sevinger, y pakico e la opta pa toch keda den partido siendo cu tin un sospechoso riba e lista. Hopi a comenta cu tabata considera esaki como double standard, y cu si e la keda, e ta acepta e loke a pasa mientras cu e ta vocifera cu e ta contra situacionan asina. Den e fragmento aki, e politico hoben ta splica su punto di bista completamente. Pa mas di e programa, unda cu e ta contesta hopi mas pregunta, cu antes no a wordo haci na su persona ainda, manera pakico e no a sali ora cu Ryçon Santos Do Nacemento a sali di AVP, siendo cu ta nan dos tabatin problema cu e partido, y mucho mas. E programa ta awe nochi 9’or. No perde!. Pa wak e segmento en cuestion, click AKI