Resultado di examen prome tanda di Colegio Arubano VWO tabata miho cu 2022

ORANJESTAD – E aña aki e resultado di Colegio Arubano pa loke ta VWO, tabata miho cu e aña anterior. E rector Tim Croes tabata contento cu e prome tanda. E resultado mientrastanto manera cu Noticiacla a ricibi, tabata cu pa HAVO, 142 alumno a slaag, (57%) di total di 248 alumno cu a haci nan examen, aunke menos cu aña anterior pero asina mes e rector tabata contento. For di e grupo aki, tin un grupo cu ta haya herexamen, cu por haci esaki proximamente. E ora e rector Croes ta premira cu e cantidad por aumenta ten a 70%. Pa loke ta VWO, den e prome tanda 68 alumno a slaag (81%) di 78 cu a haci nan examen final. Ora cu esnan cu haci her tambe keda cla, Croes ta premira cu e resultado final lo ta 90% total di VWO. E ta contento mirando cu aña pasa ainda tabatin efecto di pandemia pa cual tabatin diferente areglo y regla nobo pa cu e examen. E biaha aki cos tabata ‘normal’ atrobe y e resultado asina mes a mustra miho cu e aña anterior. 

COMPARA CU AÑA PASA

Si compara e cifranan cu un aña anterior (2022), mester bisa cu e resultado di prome tanda pa HAVO tabata 149 alumno osea 70% y pa VWO tabatin 69 cu a slaag den e prome tanda cu tabata 79%. Pues e biaha aki tabata miho den VWO.