A pospone tratamento di extradicion di Nuto Wawoe pa Corsou te otro luna

WILLEMSTAD – Tur bista tabata riba e proseso di ekstradishon di Urvin Laurence Wawoe alias Nuto na Repúblika Dominikana, ku mester a tuma lugá ayera. E wesnan di e tribunal di Korte Supremo a posponé e tratamentu pa dia 26 di yüli próksimo.

E suspenshon a tuma lugá riba petishon di abogadonan pa nan por kaba di prepará, pa motibu ku tin hopi aspekto tékniko ku nan mester kaba di atendé pa nan por hiba un bon defensa.

Huntu ku Nuto tin tambe e otro dos detinidonan esta Dennis Goedee i Terence Angelo Richard de Vries.

Tur e akabadonan aki ta keda sospechá di trafikashon di droga na gran eskala, kontrabanda di arma, asesinando i vários otro delito mas.

Esakinan tur tin di aber ku aktividatnan kriminal den Reino Ulandes.

Manera ta konosí dia 19 di aprel último Nuto a keda detené na República Dominicana, akusá di diferente krímen. Ministerio Públiko di Kòrsou a pidi Nuto su ekstradishon, relashoná ku kaso Themis.

Dia 26 di aprel último korte a bai di akuerdo pa detenshon preventivo di e hulandesnan Dennis Goedee i Terrence Angelo Richard de Vries ku tambe a keda detené mesun dia ku Nuto Wawoe.

Tur 3 sospechosonan aki a keda señalá komo miembronan di  e organisashonnan kriminal di Mocro Maffia. Wawoe ta konsiderá pa Ministerio Públiko komo un di e lidernan prinsipal di e gèng No Limits Soldier i ku ta dediká na trafikashon di droga, arma i asesinato den vários pais den Reino.

Dia 19 di aprel Nuto  a bisa ku e no tin nada di aber ku niun organisashon kriminal. NOTA: E texto ta scirbi den Papiamento fonetico di Corsou.