Joel Kuiperi ta kibra record nacional durante "Copa Rey hisamento peso”

ORANJESTAD -Joel Kuiperi ta kibra record nacional durante Copa Rey Hisamento peso”  Na honor di Dia di Rey, Aruba Amateur Weightlifting Association hunto cu Muscles & Lungs Crossfit a organisa e torneo de weightlifting “Copa di Rey” riba diadomingo 26 di april 2015 na Compleho Deportivo Frans Figaroa. Den e torneo aki unabes mas a kibra record den cantidad di participante, cu 11 atleta femenino y 21 atleta masculino. Esaki tambe ta pa prome biaha cu 5 equipo a participa na e torneo cu ta TNT Gym, Muscles & Lungs Crossfit, Barbells in Paradise, Crossfit A297 y Buchi Athletics. E torneo aki a resulta di ta uno hopi exitoso, unda varios atleta a logra di kibra nan recordnan personal y record nacional. Por a mira cu e nivel di e atletanan ta keda subi y cada bes ta progresando y por a mira den un tremendo ambiente durante di e competencia.

RESULTADONAN

Aki ta sigui e resultadonan di e ganadornan den nan categoría. Den femenino categoría di 58kg Lili Westrate ta total 86kg ta gana medaya di Oro. Den categoría di 63kg medaya di Brons a bai pa Karah Bunde cu un total di 88kg, Plata a bai pa Analaine Jacobs cu 107kg y Oro a bai pa Jennifer Piter cu un total di 168kg. Den categoría 63kg Anelaine ta kibra record di Aruba cu 19kg Den Categoria di 69kg medaya di Plata a bai pa Fransi Frans cu un total di 122kg y Oro a bai pa Kyra Bisslik cu un total di 137kg. Kyra tambe ta logra kibra record personal cu 17kg. Den categoria di 75kg Naomi lopez ta gana medaya di Oro cu un total di 91kg. Den categoria di mas di 75kg medaya di Brons a bai pa Jourren Henriquez cu un total di 72kg, Plata a bai pa Jessica Texeira cu un total di 75kg y Oro a bai pa Rachel Werleman cu un total di 115kg y ta kibra record personal cu 3kg

Den masculino categoria di 56kg Yosef Musali ta gana medaya di Oro cu un total 117kg. Den categoria di 62kg Zymion ta gana medaya di Plata cu un total di 137kg y Oro a bai pa Gerswin Javois cu un total di 148. Cu e total aki Gerswin ta kibra record nacional cu 5kg. Den categoria di 77kg medaya di Brons a bai pa Jarvis Garcia cu un total di 140 kg, Plata a bai pa Hidde Ooms cu un total di 177kg y Oro a bai pa William Erasmus cu un total di 179kg. Den categoría di 85kg medaya di Brons a bai pa Roy van de Meer cu un total di 160kg, Plata a bai Jonathan Tromp cu total di 190kg, Oro a bai pa Darvin Raphaela cu total 237kg. Den 94kg Carlyle Martinus ta gana medaya Brons cu un total di 169kg, Plata a bai pa Endel Kock cu un total di 177kg y Oro a bai pa Tim Determann cu un total di 180kg. Den 105kg medaya di Plata a bai Hiram Tromp cu un total di 92kg y Oro a bai pa Joel Kuiperi cu 260kg. Cu e hisadanan aki Joel ta logra kibra record nacional cu 6kg. Den categoría di mas di 105kg Ulrich Hoek ta gana medaya di Oro cu 267kg.

Tambe trofeonan a wordo entrega na e ganadornan maximo di e evento den nan categoría di femenino y masculino, Den Youth femenino Anelaine Jacobs ta gana trofeo cu un sinclair total di 128.064, den categoria di Junior Fransi Frans ta gana trofeo cu un sinclair total di 136.358. den senior trofeo a bai pa Jennifer Piter cu un Sinclair total di 196.453 y den master Lili Westrate cu un sinclair total di 207.494 ta gana trofeo.

Como ganador absoluto den categoria di masculino Youth Gerswin Javois ta gana trofeo cu un sinclair total di 204.040. Den Junior trofeo a bai pa Joel Kuiperi cu un sinclair total di 288.000. Den senior cu un sinclair total di 283.200 a bai pa Darvin Raphaela y den master como ganador absoluto William Erasmus ta gana trofeo cu un sinclair total di 230.600

E trofeo, medayanan y premio di e sponsornan a wordo otorga door di Secretario General di Comite Olimpico Arubano Sra. Nicole Hoevertsz y Directora di IBISA Sra. Monique van Embden.