Gobierno a firma acuerdo di colaboracion cu colegio EPI y ROC Mondriaan di Hulanda

ORANJESTAD – Gobierno recientemente a firma un acuerdo di colaboracion (samenwerkingsovereenkomst) entre ROC Mondriaan di Hulanda y Colegio EPI. ROC Mondriaan ta un MBO beroepsopleiding cu ta consisti di 240 estudio na 26 diferente scol na Hulanda.   Minister Endy Croes a reuni cu Sra. Flora van Eck di ROC Mondriaan, Sra. Ankie Danker y Sra. Claudia Witfield di Colegio EPI y Sr. Ivan Croes di Dienst Publieke Scholen (DPS) pa esaki  . E acuerdo cu a firma   ta cu Unidad di Hospitalidad y Turismo y Unidad di Economia, cual ta vigente di 1 di augustus 2023 te cu 1 di te augustus 2026. Colegio EPI ta consisti di cuater (4) unidad y ta ofrece 14 programa educativo, entre otro, estudio di beroepsopleidende leerweg (BOL), beroeps begeleidende leerweg (BBL) y associate degree nivel 5. Un acuerdo unda ta bay intercambia cu otro y siña di otro cu e meta pa mehora e calidad di enseñansa di Aruba den su totalidad.