Gremionan comercial a refuta declaracion di gobierno di rapport ‘level playing field’ riba BBO

Posted on 06/8/2023 9:34 am AST | Updated on 06/8/2023 9:54 am AST

ORANJESTAD – Gremionan comercial diaranson a protesta contra un declaracion cu e prome minister di Aruba Evelyn Wever a haci dialuna ultimo relaciona cu e cobransa di BBO na frontera. Segun Wever, ta propio gremionan lo a aproba e rapport di e asina yama ‘level playing field’, esta pa pone tur cos na nivel igual pa tur hende por competi igual. Segun e gremionan, cos no ta asina pa cual nan a manda un carta den nomber di varios gremio, den cual nan ta aclaria cu nan no a aproba e rapport final di “Level Playing Field” di Oktober 2022. “Loke si nos tur a aproba ta un declaracion (encl. 1) pa laga hasi un onderzoek y traha un rapport. Ora e rapport a keda cla nos como gremio no a aproba e rapport final, pasobra nos no tawata di acuerdo cu tur punto presenta den e rapport” e gremionan ta sigura. “Al final KVK a manda e rapport sin aprobacion di tur gremio y nan inclui e lista di firma di e declaracion original (encl 2). E declaracion original no ta representa aprobacion di e rapport” e gremionan ta sigui bisa, y ta bisa adema cu nan ta spera minister presidente Wever-Croes MinPres tuma consideracion di nan carta adhunto.

 

  • Powered by SETAR