- Wever Croes: Lo sinta cu TOPA riba Prestatie Management Sisteem dentro e tempo stipula
- DOW: Ta habri caminda bek na Palm Beach fin di October!
- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
Na Corsou a confisca basta paki di droga y 7 arma potente
WILLEMSTAD - Bastante paki di droga i tambe armanan potente a keda konfiská dor di outoridatnan polisial durante un entrada hudisial ku nan a realisá na kuater adrès ayera mainta tempran. Alrededor di 05.00 or di mainta, e Divishon di Krímen Organisá a tene kuater entrada hudisial na e siguiente adrèsnan: Asbestweg, Kaya Bakator i dos adrès den Mahuma. E entradanan hudisial aki ta den kuadro di un investigashon penal ku ta andando relashoná ku un kaso di violashon di lei di opio. Durante di e entradanan hudisial a haña i konfiská un kantidat di droga, atributonan pa prepará droga, shete (7) arma di kandela i un kantidat di munishon, plaka kèsh, aparatonan di nabegashon, algun telefòn selular i un outo ku ta prosedente di ladronisia.
Loke a hala atenshon ta ku e pakinan di droga tabata marká. Tabatin paki ku sifra “4” ariba, otro paki ku lèter “x”, i otro pakinan ku símbolo ariba. E armanan di kandela ta algun pistol tambe revòlver. En konekshon ku esaki a detené e hòmbernan sospechoso: N.O., 32 aña di edat, J.J.V., 25 aña di edat, A.E.O. 32 aña di edat, W.A.W., 41 aña di edat, tur kuater nasé na Kòrsou. W.R.R., 25 aña di edat, nase na Venezuela. R.A.D.C., 41 aña di edat, nase na Colombia.
A presentá e seis sospechosonan dilanti un fiskal ouksiliar ku despues di interogashon a laga A.E.O. den libertat. A ordená enkarselashon di e sinku otro sospechosonan pendiente di mas investigashon. NOTA: E texto ta scirbi den Papiamento fonetico di Corsou.
Pelotero Yiu di Corsou Kenley Jansen tin su mes music label: ‘KJ74 Entertainment’
BOSTON - Tur hende sa ku Kenley Jansen apart di ta pelotero profeshonal tin un pashon pa músika. Ya tin diferente produkshon musikal kaminda el a duna su aporte komo músiko i komo empresario e ta doño di entre otro e agrupashon musikal ICONS i ta tambe un dje lidernan di grupo di Karnaval Alegria.
Gobierno di Corsou mes a cumpra Campo Alegre durante subasta
WILLEMSTAD - Gobierno di Corsou mes a cumpra e establecimento conoci como Campo Alegre awe mainta durante e subasta. E suma cu ta wordo menciona, ta 8 miyon florin. No ta conoci ainda kico e motibo y intencion ta pa cu e compra aki. Noticiacla siman pasa a raporta cu awe tabatin e subasta menciona. Campo Alegre ta e lugar cu pa añanan largo ta popular unda cu muhernan ta ofrece e servicio di duna placer na primordialmente e ser masculino. Hopi ta yame e trabou dj mas bieu di mundo, esta prostitucion. E noticia aki ta den proceso. Keda pendiente pa mas actualisacion.
Tweede Kamer di acuerdo pa trata fiansa ENNIA pa Corsou y St Maarten prome cu eleccion
WILLEMSTAD - Tweede Kamer a disidí siman pasá djaweps durante un asina yamá “regeling van werkzaamheden”, un seshon plenario pa plania trabounan di e parlamento den periodo benidero, ku ta trata e presupuesto supletorio insidental di Ministerio di Asuntunan Interno i Relashonnan den Reino promé ku elekshon dia 22 novèmber awor. E presupuesto supletorio aki ta relashoná ku e fiansa di 600 mion euro ku Hulanda ta ofresé Kòrsou i St. Maarten komo solushon duradero pa kompania di seguro ENNIA i tambe algun aspekto di maneho sosial pa islanan BES.
Corsou ta registra caso di asesinato riba homber di 26 aña
WILLEMSTAD – Wikènt tras di lomba polisnan tabatin man yen ku trabou. For di djabièrnè anochi, kaya tabata basta drùk. Djasabra den kareda di algu pa 8 or di anochi, Sentral di Polis a risibí informashon ku den outo di famia lo a trese un hòmber na sala di emergensia di C.M.C. ku herida di bala na altura di su pechu i su kondishon tabata krítiko.
Na Corsou diamars próksimo Campo Alegre ta na findishi
WILLEMSTAD - Tur kos ta kla pa findishi di Campo Alegre tuma lugá djamars awor dia 26 di sèptèmber. Esaki despues ku e findishi di aña pasá pa benta dje sentro di dibertishon, no a sigui.
Wardacosta na Corsou a intercepta otro boto cu 20 imigrante indocumenta awe marduga
WILLEMSTAD – Awe den oranan di mardugá Wardakosta a interseptá un boto sùit di Kòrsou ku sigur 20 ku tur probabilidat venezolano abordo. Intenshon tabata pa tur drenta Kòrsou di forma ilegal pero nan plan aki kai na awa na momentu ku radarnan di militar a detektá e boto aki yegando kosta di Kòrsou. Mesora a bati alarma i e metalshark di Wardakosta a logra para e boto i detené tur esnan abordo di e jola kolo blou aki. Manera a indiká tabatin komo 20 persona abordo entre kual hende hòmber, hende muhé i mucha. Alrededor di 3:15 a drenta haf di Kòrsou ku tur e detenidonan i a bai direkshon di Parera unda nan ta keda prosesá pa despues den futuro keda deportá. NOTA: E texto ta scirbi den Papiamento fonetico di Corsou.
Follow NoticiaCla
