InselAir 2 x pa siman non-stop di Aruba pa Santo Domingo

Oranjestad –  InselAir lo kuminsá bula dos buelo pa siman for di su hub na Aruba pa Santo Domingo (Repúblika Dominikana), entrante promé di yüli, 2015. InselAir ya kaba ta bula riba e destinashon aki via su hub na Kòrsou, pero komo resultado di e oumento di petishon di tur dos merkado awor InselAir ta lansa un servisio non-stop dos bes pa siman, riba djárason i djasabra. Santo Domingo ya kaba ta e di 10 destinashon di InselAir Aruba ku un buelo direkto saliendo di Aruba for di tempu ku InselAir Aruba a kuminsá bula na desèmber 2013. InselAir ta e kompania di aviashon di mas grandi ku ta bula for di Aruba huntu ku InselAir International ku ta bula for di Kòrsou riba 21 destinashon. Pasashi ta obtenibel i por kumpra nan online via fly-inselair.com, na kualkier ofisina di pasashi di InselAir, via InselAir su Customer Contact Center i na kualke agente di biahe lokal.

Tarifa i orario di buelo

Di Aruba pa Santo Domingo InselAir ta ofresé un tarifa di introdukshon di AWG 519 i di Santo Domingo pa Aruba di USD 321. Tur tarifa ta ida i buelta i ta inkluí impuesto di gobièrnu. E temporada pa por reservá i bula ta te 31 di ougùstùs 2015. InselAir lo bula ku un avion Fokker 70 segun e siguiente orario:

Buelo#  

Salida Aruba

Yegada Santo Domingo  

Dia

8I 530

10:10 AM                  

11:40 PM 

djárason, djasabra

Buelo# 

Salida Santo Domingo   

Yegada Aruba

Dia

8I 531     

5:20 PM    

6:45 PM

djárason, djasabra

Tokante InselAir

For di aña 2006 InselAir a krese bira un di e mihó kompanianan aereo ku ta suministrá konektividat internashonalmente fleksibel pa Nortamérika i Suramérika i tambe pa e region karibense. Dór di su buelonan frekuente i un durashon di buelo masha kòrtiku entre InselAir su hubnan na Kòrsou i na Aruba, kombiná ku su ret ekstenso di 21 destinashon, InselAir ta duna pasahero un konektividat hopi bon ku e region panamerikano. InselAir su partnernan di interline (kual ta inkluí entre otro Air Berlin, KLM/Air France, Winair, Avianca i GOL) i code shares (KLM/Air France) ta duna mas balor na su konektividat, ku ta laga pasahero konektá rònt mundu. InselAir ta e kompania di aviashon di mas grandi ku tin su base den Karibe i e ta spera di transportá 1.4 mion pasahero e aña aki (2015), e ta empleá alrededor di 650 hende, e ta ofresé mas o ménos 52 buelo diariamente pa 21 destinashon i tin planeá pa krese pa 27 destinashon na 2015. InselAir su flota ta konsistí di un total di 18 avion (7 McDonnell Douglas, 3 Fokker 70, 6 Fokker 50 i 2 Embraer Bandeirante) i na 2015 e lo añadí mas avion na su flota. Pasahero nan di InselAir ta disfrutá di kuminda i bibida grátis na bordo, un maleta grátis i hopi espasio pa nan pia. Pasahero di Comfort Class entre otro ta disfrutá di pre boarding, akseso na e salanan di business na aeropuerto, espasio èkstra pa pia, pèrmit  pa ekipahe èkstra, i kuminda i bibida di kalidat haltu na bordo. Destinashonnan na Súramerika ta inkluí: Manaus, Georgetown, Paramaribo, Caracas, Barquisimeto, Las Piedras, Maracaibo, Valencia,  Barranquilla, Medellin, destinashon den Karibe ta inkluí Aruba, Boneiru, Kòrsou, St. Maarten, Port-of-Spain, Santo Domingo, La Romana, Port-au-Prince, Kingston i destinashonnan na Estádos Unídos ta inkluí Miami i Charlotte.