Joran vd Sloot a dicidi di bringa su extradicion pa Merca toch!

LIMA – Joran van der Sloot a dicidi di bringa su extradicion pa Merca toch. Su abogado Maximo Altoez a confirma esaki na prensa Hulandes dialuna. E kier entama un caso sumario pa preveni e extradicion e siman aki for di Peru pa Merca. Vd Sloot a cambia di opinion despues di un bishita di personal di embahada Hulandes cerca dje den prison na Lima. Nan lo a conseha Joran pa entama un caso sumario pa bringa e extradicion. No ta conoci pakico e personal cu a bishite, lo a consehe pa haci tal. Joran a rechasa pa firma su pasaporte di emergencia, pa cual e documento no ta bira valido y cu ta prohibie pa pasa frontera Peruano. 

LIMA

Joran a yega Lima diasabra despues di yen di obstaculo. Dialuna autoridad Peruano a bisa cu e extradicion tabata planea pa tuma lugar diahuebs awor. Como tal e caso sumario lo mester tuma lugar sea awe of diaranson pa e tin chens di haya un resultado prome cu e fecha di extradicion cu ta diahuebs.