IMF: Economia di Aruba a bounce bek fuerte pero debe publico ta sigui halto

WASHINGTON – E actividadnan economico (di Aruba) a bounce bek fuerte mientras cu e efecto di pandemia a mengua. Tambe   e balansa fiscal a mehora pero e debe publico ta sigui halto. Asina e ekipo di Fondo Monetario Internacional (IMF) a publica den nan asina yama declaracion di conclusion di e mision dialuna (awe), lidera pa miembro di e ekipo di IMF Takuji Komatsuzaki. E ekipo a bishita Aruba recientement entre 22 di mei pa 2 di juni, y awe a pubklica nan conclusion. Gobierno di Aruba dialuna mesora a opta pa desvia di nan temanan original di conferencia, pa asina por a adresa e tema di IMF a cambio. Nan a saca nan propio comntario di e relato di IMF tambe despues.   

ARUBA A BOUNCE BEK

Noticiacla a opta pa tuma e informacion directo di e publicacion di IMF. “Actividad economico a bounce bek fuerte mientras cu e efectonan di pandemia a mengua” e rapport ta cuminsa bisa. E PBI real a crece cu 27.6% den 2021 y ta premira cu esaki lo por sigui expande cu 7.3% den 2022, IMF ta sigui bisa. Esaki segun IMF, ta refleha un recuperacion fuerte di cifras di yegada di turismo despues cu a kita tur restriccion di e pandemia. Ademas inflacion a modera un poco y tabata 4.9% na april, dirigi pa prijs di energia importa y cuminda y e aumento di tarifa di awa y coriente na augustus di 2022. IMF ta sigui raporta cu e tasa di desempleo a baha te na 6.6% na juni di 2022 y ta mustra di a cay mas den e lunanan subsecuente. “E sector bancario ta mustra bon capitalisa, likido y cu ganashi aunke cu aumento di credito tabata poco lento”. E recuperacion fuerte di turismo a aumenta e cantidad di surplus actual mientras cu reserve internacional ta sigui adecuado na 7.3 luna di e totalidad di importacion na fin di 2022. 

DEBE PUBLICO TA SIGUI HALTO

Mientras cu e balansa fiscal a mejora, e debe publico ta sigui halto, segun IMF. E deficit fiscal a cay te na 0.5% di. PBI na 2022, di 16.2% di e PBI na 2020. E ta refleha un combinacion di mas ganashi, ayuda pa e recuperacion economico, y e caida di e forma di gastamento relaciona cu medida di  pandemia. Debe di gobierno central a cay di un top di 112.3% di PBI na 2020  pa 90.7% di PBI na fin di 2022. Y Aruba su rating di debe externo di termino largo a wordo upgraded di BB pa BB+ door di Fitch na Maart di 2023. Pa e rapport completo di IMF, click AKI