Delegacion di Aruba ta na Hulanda caba pa Reunion Interparlamentario di Reino (IPKO)

Delegacion di Aruba ta na Hulanda caba pa Reunion Interparlamentario di Reino (IPKO)

Posted on 05/30/2023 3:07 pm AST | Updated on 05/30/2023 3:09 pm AST

DEN HAAG – Manera cu Noticiacla a raporta caba, di diahuebs  awor, 1 di juni pa dialuna 5 di juni 2023, Reunion Interparlamentario di Reino (IPKO) ta tuma laga na Den Haag. Durante IPKO, e delegacionnan di Aruba, Curaçao y Sint Maarten y Hulanda ta reuni pa debati riba tema cu ta afecta e paisnan den Reino. E temanan di e IPKO aki ta cambio climatico y adaptacion na esaki, educacion, e proximo Conferencia di Reino, seguridad di data den Reino y  superacion y procesamento di colonialismo y pasado di esclabitud.

AGENDA

E reunionnan ta cuminsa diahuebs 1 di juni 2023 cu e apertura na Nieuwspoort. Eynan, e lidernan di e delegacionnan di e paisnan den Caribe y e lider di e delegacion di Hulanda ta duna presentacion tocante e ultimo acontecimentonan den e cuatro paisnan. Despues ta sigui un intercambio di punto di bista tocante seguridad di data den Reino.

DIABIERNA 2 DI JUNI

Diabierna 2 di juni, IPKO ta reuni den e sala plenario di Tweede Kamer. Eynan lo debati tocante e elaboracion di e recomendacionnan di e Rapport di conclusion di Comite Consultivo Grupo di Dialogo tocante EsEclabitud. Pa esaki, e delegacionnnan di IPKO ta intercambia idea cu, entre otro, e kwartiermakernan di Museo Nacional di Esclabitud. E dia aki tambe lo debati riba cambio climatico y maneho di Reino riba esaki. E kwartiermaker di Mesa di Clima di Boneiro lo duna un presentacion tocante su conseho cu a keda publica recientemente riba e tema aki. Ademas, e delegacionnan lo debati riba educacion den Reino y e medida adopta a base di e rapport di e Ombudsman Nacional ‘Dolor di cabes di studiantenan Caribense’ (‘Kopzorgen van Caribische Studenten’). E Ombudsman lo duna un presentacion tocante esaki.

DIASABRA 3 DI JUNI

Diasabra 3 di juni, IPKO lo realisa un bishita di trabou na Delft. Riba agenda tin un bishita na e ‘Green Village’ di e universidad Tecnologico, un ‘field lab’ pa innovacion sostenibel den entorno urbano.

DIALUNA 5 DI JUNI

E reunionnan interparlamentario ta finalisa dialuna 5 di juni cu adopcion y firmamento di e lista di palabracion y un rueda di prensa conhunto cu e presidentenan di e cuatro delegacionnan.

 

  • Thijsen: Ta mustra cu e Secretario di Estado nobo lo kier continua cu loke nan a haci caba den pasado

    Thijsen: Ta mustra cu e Secretario di Estado nobo lo kier continua cu loke nan a haci caba den pasado

    DEN HAAG  – Mirando cu Hulanda proximamente lo tin un Gobierno nobo y cu tambe lo tin un Secretario di Estado nobo pa Relacionnan den Reino, Minister Plenipotenciario mr. Ady Thijsen a duna comentario riba e desaroyo aki na final di reunion di Conseho di Minister di Reino (RMR). Den esaki e mandatario a bisa cu indicacion ta mustra cu e Secretario di Estado nobo lo kier continua cu loke nan a haci caba den pasado. ‘Esey ta mustra bon. Cada candidato tin nan experencia. Nos lo mester duna nan chens pa goberna. Aruba ta traha cu tur partido cu tin. Nos sa cu nos ta hacienda un bon trabao y nos sa unda nos ta para,’ segun Minister Thijsen.

  • Thijsen riba Rutte den NATO: Un trabao hopi pisa, pero nos tin confiansa den Mark Rutte

    Thijsen riba Rutte den NATO: Un trabao hopi pisa, pero nos tin confiansa den Mark Rutte

    DEN HAAG  – Awe Gabinete Rutte IV a tene su ultimo Reunion di Conseho di Reino (RMR), mirando cu un Gobierno nobo di Hulanda ta den pleno formacion y e huramentacion door di Rey Willem Alexander di e Ministernan y Secretarionan di Estado ta poni pa tuma lugar 2 di juli benidero. 

  • Sabó kier optimalisa e relacion entre Hulanda y islanan di Reino Hulandes

    Sabó kier optimalisa e relacion entre Hulanda y islanan di Reino Hulandes

    DEN HAAG – Manera por a spera, durante e audiencia awe mainta tempran ora di Hulanda, e futuro secretario di estado Hulandes pa Asuntonan di Reino, Zsolt Sabó a wordo confronta cu pasado. Esaki ora cu e pregunta di parlamentario Kathmann (Groenlinks/PvdA) a puntra Sabó riba un declaracion di PVV di pasado riba e islanan di Reino den Caribe. “Palabranan manera e islanan di Reino den Caribe ta un neishi di ladron, nan por wordo poni riba Marketplaats pa 1 euro, e yabi di placa pa nan mester cera, Sinterklaas ainda sa di localisa e ladronan, inverti e placa ey na Hulanda den cuido” Kathmann a usa, citando un miembro di e partido PVV cual partido a pidi Sabó pa e funcion. E parlamentario a puntra con e ta reacciona riba e declaracion ey di pasado y si e ta comparti e pensamento ey. 

  • Mark Rutte oficialmente a bira e unico candidato pa lidera NATO

    Mark Rutte oficialmente a bira e unico candidato pa lidera NATO

    BRUSELAS – E unico candidato pa bira secretario general di NATO, awor ta e actual premier Hulandes saliente Mark Rutte. Un siman prome cu Hulanda conoce un premier nobo, esun actual ta bira e unico persona pa e funcion top di NATO despues cu presidente di Rumenia Klaus Iohannis a retira su candidatura. Pa bira e hefe maximo di NATO, tur 32 pais miembro mester vota unanime.  

  • Minister Thijsen a despedi oficialmente di Secretario di Estado Van Huffelen

    Minister Thijsen a despedi oficialmente di Secretario di Estado Van Huffelen

    DEN HAAG  – Na Nieuwe Kerk na Den Haag a tuma lugar un recepcion pa tuma despedida di Alexandra van Huffelen como Secretario di Estado pa Asuntonan di Reino y Digitalisacion. Na e ocacion aki Minister Plenipotenciario mr. Ady Thijsen a gradici Alexandra van Huffelen pa e bunita cooperacion durante di e periodo cu e tabata Secretario di Estado. Tambe Minister Thijsen a gradici Alexandra van Huffelen pa su comprension y su amor y afecto grandi pa e parti Caribense di Reino Hulandes. Sr. Thijsen a desea señora Van Huffelen tur clase di exito den loke elo bai haci despues di e funcion di Secretario di Estado.

  • Candidato pa secretario di estado nobo pa Asuntonan di Reino ta presenta dilanti Tweede Kamer diahuebs

    Candidato pa secretario di estado nobo pa Asuntonan di Reino ta presenta dilanti Tweede Kamer diahuebs

    DEN HAAG – E candidato pa bira e proximo secretario di estado pa Asuntonan di Reino, osea Zsolt Szabó tin cu presenta su mes diahuebs mainta dilanti Parlamento Hulandes, osea Tweede Kamer pa e audiencia politico. Hunto cune, e minister cu tin e mesun cartera, esta hefe di BZK, Judith Uitermark tambe mester presenta mayan mainta ora di Hulanda pa contesta preguntanan di e miembronan di Tweede Kamer. Unabez esaki sosode, ta continua e proceso di screening pa dia 2 di juli proximo, gobierno nobo bou di mando di Dick Schoof huramenta dilanti Rey Willem-Alexander y pa saca e famoso potret riba ‘bordes’ 

  • Powered by SETAR