- Wever Croes: Lo sinta cu TOPA riba Prestatie Management Sisteem dentro e tempo stipula
- DOW: Ta habri caminda bek na Palm Beach fin di October!
- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
American Eagle cu nan gran apertura na Renaissance Mall, Aruba: Cumpra y Spaar!
(ADVERTORIAL)
ORANJESTAD — Grupo David Enterprises a yama bon bini na Aruba, e marca di moda iconico “American Eagle” na comienso di e aña aki. Na honor di e evento aki, nan ta entusiasma pa celebra e gran apertura di nan sucursal nobo na Aruba, cual ta situa na Renaissance Mall. E evento hopi anticipa lo tuma luga dia 1 di juni 2023, y ta promete un experiencia di compra increibel pa pioneronan y esnan entusiasma cu moda.
Cu su compromiso pa brinda cliente productonan di calidad halto y di ultimo modelo, American Eagle a bira un nomber renombra den industria di moda. E apertura di nan sucursal nobo na Aruba ta un testamento di e expansion global di e marca y e dedicacion pa ofrece e tendecianan di moda mas actual na e clientela rond di mundo.
Pa celebra e momento special aki, American Eagle ta ofrece un oferta exclusivo na tur cliente. Durante e gran apertura, clientenan lo goza di un descuento fantastico di 30% riba tur cos den e tienda. Pero esey no ta tur! E prome 20 clientenan cu yega na e tienda lo ricibi un regalo adicional. American Eagle lo reparti tas di jeans gratis, un accesorio unico pa tur persona entusiasma cu e mundo di moda. Clientenan por selecta nan adaptacion durante e evento y ricibi nan tas personalisa instantaniamente.
"Nos ta hopi contento pa trese e excelente ofertanan di moda di American Eagle pa e comunidad di Aruba," asina Osman Farouk Osman, Gerente di Pais Aruba/Curaçao, Grupo David a bisa. "Nos tienda nobo na Renaissance Mall ta representa nos compromiso pa brinda clientenan cu un experiencia di compra inolvidabel, productonan di calidad halto, y un servicio di cliente excelente."
E gran apertura lo ta un celebracion di estilo y moda, mustrando e ultimo coleccion di American Eagle. For di jeans moderno, t-shirt grafico, pa e sweater agradabel y accesorionan, clientenan lo tin un seleccion extensivo di productonan di moda pa scohe for di nan.
"Nos ta invita henter pueblo di Aruba pa participa na e gran apertura y haci uzo di e descuentonan increibel," Sr. Osman a bisa. "Nos ekipo dinamico y amistoso lo ta a pa yuda tur e clientenana pa haya nan outfit y accesorio preferi!
Tocante American Eagle: American Eagle ta un lider global den benta di paña y accesorionan ofreciendo paña di calidad halto, actual y accesibel, accesorionan, y productonan pa cuido personal. Ademas nos ta enfoca riba inclusion y sostenibilidad, American Eagle ta purba inspira clientenan pa expresa nan estilo unico y sinti sigur di nan como persona.
Awe ta bo chens di gana 625 mil florin cu Lotto 5
CBS: Den un siman a bishita mas di 1000 persona durante encuesta Forza Laboral 2023
ORANJESTAD - Entrante 15 di september 2023 Oficina Central di Estadistica (CBS) conhuntamente cu Departamento di Labor y Investigacion (DAO) y Centrale Bank di Aruba (CBA) lo ehecuta e Encuesta di Forsa Laboral 2023 (LFS2023). E LFS2023 tin como meta principal pa haya un bista detaya y actual di e mercado laboral di Aruba. Tambe lo colecta informacion di e caracteristicanan di personanan cu ta participa y tambe di esnan cu no ta participa na e mercado laboral. Di e forma aki por haci analisis profundo di e composicion di e mercado laboral di Aruba y tambe por compila indicadornan importante, manera e.o. e tasa di empleo y desempleo na Aruba, e grado di participacion di hende homber y hende muhe na e mercado laboral y e nivel di educacion di esnan cu ta emplea y no ta emplea.
Hospital Horacio Oduber a informa di nan operacion durante Expo Salud 2023
ORANJESTAD - Durante fin di siman a tuma luga Expo Salud 2023 unda cu diferente profesional den e mundo di cuido a cera cabes pa hunto duna comunidad di Aruba informacion tocante varios topico interesante y esencial pa cuido di salud. Claro cu e team di Horacio Oduber Hospital (HOH) tambe tabat’ey pa forma parti di e organisacion di e expo salud 2023.
BCA a reduci e tasa di reserva obligatorio cu 1 punto di porcentahe
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 21 di augustus 2023, CMM a dicidi pa baha e tasa di e reserva obligatorio na 24,5 porciento entrante 1 di september 2023. Di e manera aki, e banconan comercial mester tene un balansa minimo na BCA cu ta igual na 24,5 porciento di e depositonan riba termino cortico di nan clientenan. E decision pa reduci e tasa di reserva obligatorio na 24,5 porciento ta basa primordialmente riba un caida continuo den e estimacion di likides excesivo di e sector bancario compara cu december 2022, primordialmente causa pa un subida den credito, mientras cu reservanan oficial y internacional ta permanece adecua, apesar di un caida. BCA ta sigui monitorea e desaroyo den e likides excesivo y lo por dicidi di cambia e tasa di reserva obligatorio, si ta considera esaki necesario.
ATA ta considera Aruba Global Travel Conference un exito
ORANJESTAD - Aruba Tourism Authority (A.T.A.) a anuncia cu e prome edicion di e Aruba Global Travel Conference tabata un exito rotundo. E conferencia cu a tuma luga riba nos isla entre 18 cu 21 di september, a culmina diahuebs anochi cu un celebracion special na Royal Aruba Aloe. E prome Aruba Global Travel Conference a trece hunto un total di 59 participante for di Merca, Colombia, Italia, Spaña, Mexico, Suiza, Brazil, Argentina, Chile y Paraguay, pa menciona algun. Banda di esaki hopi otro socio cu ta representa entre otro nos hotelnan tambe a biaha pa tey presente. Un total di 70 a bishitanos pa e conferencia aki. Ta pa prome biaha cu A.T.A. a combina e mercadonan mas clave pa nos isla, esta Norte America, Latino America y Europa den un solo conferencia.
ATSA: Industria di timeshare a sigui na crece significantemente ultimo decadanan
PALM BEACH – Miembronan di Aruba Timeshare Association, ATSA, a bini hunto pa un encuentro cu lunch na La Cabana Beach Resort & Casino, conhuntamente cu representantenan di mayoria propiedad di Vacation Ownerships riba nos isla cu tabata presente.
Follow NoticiaCla
