WILLEMSTAD.- For di e ministerio di finansa a Sali un dekreto nashonal ku ta atendé e parti di pago pa biahenan di trabou di ministernan. E desishon tuma siman pasá ta papia di un tarheta di krédito ku 25 mil dòler komo medio di pago pa biahenan di trabou.
Segun e dekreto, e desishon ta den kuadro di minister di finansa su obligashonnan pa atendé ku gastu di biahenan di trabou. E gastunan di ehekushon di e desishon aki ta bin pa kada ministerio su presupuesto.
Ku e fin di redusí gastu, ministerio di finansa a ehekutá un análisis relashoná ku gastunan di un agensia di biahe ku aktualmente gobièrnu ta usando. Aktualmente e agensia di biahe ta kobra gobièrnu pa pasashi i gastu di estadia mas karu ku esaki ta kosta si hasié direktamente. Komo ehèmpel minister di finansa a mustra ku un biahe pa Ulanda Business Class ta kosta ‘online’ 7005 florin, serka agensia di biahe esaki ta 9635 florin ku ta 37.5% mas karu.
Banda di e meta prinsipal di e ehersisio aki, esta logra ku gobièrnu ta baha gastu den sentido amplio di palabra, tambe ta hunga aspektonan organisatorio ta hunga un ròl importante pa yega na optimalisá e gastunan di biahe. Na diferente okashon e ministernan ta haña nan konfrontá durante di biahenan di trabou ku e echo ku gastunan di hotèl i òf transportá di henter e delegashon no ta keda pagá kompleto i na tempu dor di e agensia di biahe. Esaki ta trese kuné ku banda ku e gastunan ta 37,5% mas haltu ku reservashonnan ‘online’, ta surgi situashonnan no deseá manera minister i miembronan di e delegashon ku ta keda oranan na lobi di hotèl wardando òf tambe ku miembronan di delegashon tin di usa nan tarhetanan privá pa finansiá gastunan di biahe pa henter un delegashon ku e konsekuensia ku e miembronan di delegashon konserní no por kumpli ku su gastunan personal na kas.Ta netamente pa evitá tipo di situashon aki a tuma e desishon pa medio di un dekreto nashonal ku pa medio di e minister di finansa, kada minister ta haña un tarheta di krédito ku 25 mil $ pa por kubri nan gastunan di biahe i tambe di e ámtenarnan di e ministerio konserní ku ta biaha.
E tarheta di krédito por keda usá spesífikamente pa gastunan ku tin di aber ku pasashi, bòrg i faktura pa akomodashon, bòrg i faktura pa hür outo, representashon i telekomunikashon pa henter e delegashon. Kada ministerio por skohe pa atendé ku gastunan di biahe denter di su ministerio i pa sigui reserva bia di e agensia di biahe eksistente.
E rísiko si ku esaki ta trese kuné ta ku ta surpasá e suma presupuestá pa biahe di trabou ku 37.5%. E tarheta di krédito ta bai riba nòmber di e minister ku skohe pa esaki. I despues di seis luna e sektor di maneho di finansa i presupuesto lo evaluá kon esaki a kana. NOTA: Texto ta scirbi den Papiamento fonetico di Corsou.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.