Minister di Aruba a efectua apertura di ‘Aruba Office’ na ‘Holland House’ na Colombia

Posted on 05/25/2023 10:00 am AST | Updated on 05/25/2023 10:01 am AST

BOGOTA – Diaranson Minister di economia di Aruba Geoffrey Wever a inaugura e "Aruba Office" na Holland House Colombia. Durante un ceremonia   cu presencia di embahador Sr. Ernst Noorman, directeur Jan-Willem van Bokhoven, presidente di Kamer van Koophandel Gavril Mansur, directora di Departamento di Asuntonan Economico Maria Dijkhoff-Pita, y e delegacion comercial di Aruba, e "Aruba Office" na Holland House a bira un hecho pa asina facilita comercio entre Aruba y Colombia.

Pa facilita comercio entre Aruba y Colombia, Minister Geoffrey Wever a cera un convenio recientemente cu Holland House na Colombia. Holland House ta un e di e Camaranan di Comercio mas grandi na Colombia. Holland House ta un e di e Camaranan di Comercio bilateral mas grandi na Colombia y di Hulanda na mundo. Holland House Colombia  cu a habri na 2003 ta un inicitiava publico- priva y non profit, tin 380 miembo afiliado y ta conta cu un staff di aproximadamente 25 persona.

E convenio aki ta e continuacion di loke sector priva di Aruba a inicia cu Holland House den e ultimo añanan. Den e colaboracion inicial aki 5 compania a establece na Colombia, aproximadente 60 comerciante di Aruba a demostra un interes den e mercado di Colombia y mas di 350 comerciantenan di Colombia a demostra interes pa hasi negoshi na Aruba. 

Embahada Hulandes hunto cu Holland House Colombia tin e tarea pa facilita e interesnan di islanan di Reino den nos region di Caribe. Mientras cu Embahada ta encarga cu aspectonan gubernamental, Holland House Colombia ta encarga cu aspectonan di lasonan empresarial, manera establecimento di empresa na Colombia, of viceversa.

E convenio y e cooperacion cu Holland House Colombia ta un instrumento esencial pa facilita negoshi y inversionan entre Aruba y Colombia. Esaki ta forma parti di e maneho economico pa nos companianan crece y nos consumidornan tin mas acceso na productonan na prijsnan bentahoso pa asina yuda baha e costo di bida na Aruba segun minister Geoffrey Wever. Cu presencia di entre otro Camara di Comercio y Departamento di Asuntonan Economico ta demostra un esfuerso comun pa logra e metanan estableci.

“Aruba Office” ta e presencia oficial di Aruba na Colombia cu tey pa brinda asistencia na empresarionan Arubano cu interes pa hasi negoshi cu Colombia y alabes pa duna informacion y sosten na tur pontencial inversionista y/o comerciante Colombiano cu interes den e mercado Arubano.

  • Mas di 80% di biahe di Bonaire pa tratamento medico ta pa Aruba y Corsou

    Mas di 80% di biahe di Bonaire pa tratamento medico ta pa Aruba y Corsou

    KRALENDIJK- Segun un raport publica titula ‘The Caribbean Netherlands Health System Review”, mas di 80% di biahe pa tratamento medico di Bonaire ta pa Aruba y Corsou. Esaki debi cu e isla ( y e otro dos islanan BES) no ta completamente capaz pa cumpli cu e necesidadnan di cuido medico di e pais, cu ta pone cu e mandamento pa exterior, ta bira un tarea important pa Zorg en Jeugd Caribisch Nederland (ZJCN). “Mas di 90% di e mandamento di Statia y Saba den 2023 tabata pa St Maarten, mientras cu for di Bonaire, 81,3% a bay pa Corsou y St Maarten” e rapport ta sigui bisa. Otro destinacionan medico ta Colombia y Hulanda.

  • Cft: Stipula e modificacion presupuestario 2024 mas pronto posibel

    Cft: Stipula e modificacion presupuestario 2024 mas pronto posibel

    PHILIPSBURG – E Colegio di Supervision financiero (CFt) kier pa gobierno di St Maarten stipula e modificacion presupuestario 2024 mas pronto cu ta posibel. E ta recorda cu riba 14 di mei 2024, Sint Maarten a stipula e presupuesto pa 2024. Esaki ta casi seis luna despues di e deadline di 15 di december 2023. Colegio di supervision financiero Corsou y Sint Maarten (Cft) ta preocupa pa e calidad di e presupuesto, y ta urgi e pais pa reconcilia esaki mas pronto posibel cu e normanan stipula den Ley di Reino Supervision Financiero Corsou y Sint Maarten (Rft). Asina a stipula e modificacion presupuestario aki, e pais por contrata un prestamo pa e inversionnan necesario.

  • John Soliano ta bira gezaghebber nobo di Boneiru

    John Soliano ta bira gezaghebber nobo di Boneiru

    KRALENDIJK - Señor J.R.E. (John) Soliano ta bira e gezaghèber nobo di Boneiru. Sekretario di estado Alexandra van Huffelen di Relashonnan den Reino i Digitalisashon a rekomend’é na konseho di minister pa nombramentu.

  • Mester inverti 40 miyon dollar y tarda 2 aña pa e situacion di coriente na St Maarten drecha

    Mester inverti 40 miyon dollar y tarda 2 aña pa e situacion di coriente na St Maarten drecha

    PHILLIPSBURG – Lo por dura 2 aña prome cu e problema di coriente na St Maarten ta algo di pasado. Asina e compania di coriente NV GEBE A informa diaranson durante di un conferencia di prensa. E plan di e compania ta pa aumenta e capacidad di produccion cu 27 megawatt. Financieramente esaki lo costa e compania entre 35 pa 40 miyon dollar, y for di momento cu firma e acuerdo, e trabou y ehecucion, esaki lo dura entre 18 pa 24 luna. Pues realisticamente, por dura entre un aña y mei pa dos aña prome cu e isla su situacion di coriente ta optimal.

  • Problema di coriente a afecta hasta e corant mas grandi di St Maarten di produci su edicion

    Problema di coriente a afecta hasta e corant mas grandi di St Maarten di produci su edicion

    PHILLIPSBURG – E situacion di coriente na St Maarten a bira asina serio cu hasta medionan ta afecta. Entre nan, e corant porta mas grandi di e isla, The Daily Herald no por a produci un corant pa awe. “No tin corant awe!” e corant a informa diabierna. “Debi na e falta di coriente frecuente y largo cu a afecta nos sistema interno, tabata dificil pa produci un corant pa awe” e corant ta sigui bisa. “Nos lo publica un edicion combina dialuna cu contenido pa ambos dia y ta pidi despensa pa e inconveniencia” e corant ta sigui bisa. 

  • Poblacion di Bonaire a aumenta cu casi mil persona na 2023

    Poblacion di Bonaire a aumenta cu casi mil persona na 2023

    KRALENDIJK - Dia promé di yanüari 2024, Hulanda Karibense tabatin 30.397 abitante. Loke ta 979 (3 porshento) mas ku un aña anterior. Pa gran parti, e motibu pa e oumento ta ku e poblashon di Boneiru a krese, prinsipalmente dor di migrashon. Na Saba tambe e kantidat di abitante a oumentá dor di un sùrplùs di establesimentu. Sin embargo, na Sint Eustatius hustamente por a papia di un eskases di establesimentu. Asina CBS ta mèldu a base di sifranan nobo.

  • Powered by SETAR