Aruba Cybersecurity Center of Excellence ta un realidad

Aruba Cybersecurity Center of Excellence ta un realidad

Posted on 05/24/2023 3:17 am AST | Updated on 05/24/2023 3:17 am AST

ORANJESTAD - Pa varios luna empresa estatal SETAR ta trahando riba un projecto importante pa diversificacion di su portfolio y economia di Aruba, pa establece un Cybersecurity Center of Excellence (CCoE) hunto cu un partner strategico y experto riba e tereno aki esta señor Paul Eelens conhunto cu un empresa hulandes.

Minister di   Comunicacion   Geoffrey Wever, cu ta representa Gobierno di Aruba como accionista unico di SETAR a haya un presentacion di e empresa CCoE, cu ta specialisa riba cybersecurity avansa. 

"Mi ta sumamente orguyoso cu SETAR a haci e paso aki, y asina ta contribui na diversificacion di nos economia y tambe na fortifica e knowledge economy. E CCoE tin e potencial di exporta servicio den regio y nos ambicion ta pa e CCoE bira un regional player", segun Minister Wever.

E realidad di e mundo digital di awe ta cu sistemanan digital ta hunga un rol vital den nos bida diario. Nos ta depende di tecnologia pa comunicacion, eherce comercio, educacion, cuido di salud, y entretenimento, entre otro cos. Pero e dependencia aki ta haci nos vulnerabel pa atakenan cibernetico (cyber attacks), breach di datonan (data breach), y otro menasanan pa siguridad.

Mundo digital ta compleho, dinamico, y semper ta cambia. Mientras tecnologianan nobo ta surgi, tambe ta surgi reto nobo di seguridad. Hackers y criminalnan digital ta busca constantemente maneranan nobo pa explora vulnerabilidadnan den nos sistemanan digital caminda nan por infiltra. Ta horta data/informacion critico (“data breach”) of “secuestra” data/informacion critico (via “ransomware”) a traves di diferente metodo of scams.

Phishing scams, malware, DDoS y otro forma di metodonan uza pa criminalnan cibernetico ta aumentando drasticamente. E consecuencianan di e atakenan aki por ta serio, manera perdida financiero severo y daño na reputacion, tambe por ta un menasa pa seguridad nacional y hasta por ocaciona perdida di bida.

Den termino global, seguridad cibernetico ta un problema creciente y ta afecta tur tipo di organisacionan y individuonan mundialmente. Crimen cibernetico ta calcula pa ta costa e economia global mas di $1 triyon anualmente, y e cifranan aki ta spera di subi. E crecemento di conexionan den nos sistema digital, e importancia di Internet of Things (IoT), y adoptacion extenso di Cloud Computing (warda data/informacion digitalmente via internet), entre otro tendencianan, ta amplia e area di posibel atake pa criminalnan cibernetico tuma bentaha. 

Seguridad cibernetico a bira prioridad pa gobiernonan, empresanan, y individuonan. E participacion di Setar NV den CCoE ta un stap importante pa proteha e “digital assets” di Aruba, incluyendo infrastructurnan IT critico di gobierno, infrastructura, y di comercio. Mester eleva urgente e nivel di seguridad pa evita infiltracion criminal, cu tur e consecuensianan posibel, manera disrupcion di sistema of perdida di dato.

  • Wever: Realidad tristo: 99% di abuso sexual di mucha, e abusado ta famia of conoci!

    Wever:  Realidad tristo: 99% di abuso sexual di mucha, e abusado ta famia of conoci!

    ORANJESTAD - E ta un berdad hopi tristo cu e problematica aki di abuso sexual di mucha ta cuminsa hopi cerca di cas mes, di esnan hopi cerca di un mucha. Asina prome minister Evelyn Wever Croes ta bisa den un comunicado. Segun e prome mandatario, for di un estudio haci, ta alarmante e cifra y informacionnan obteni di casonan di abuso di mucha. 99% di casonan na unda muchanan ta wordo abusa sexualmente, ta wordo abusa door di personanan cu e victima conoce. E por ta un amigo di cas, of amiga of amigo di mama y tata, pareha nobo, door di omo, door di welo, of padrastro. Esakinan ta personanan cu ta cerca di e muchanan y kendenan e muchanan ta confia. Personanan kendenan a mayornan a confia pa laga nan yiunan den nan cuido. 

  • Parlamentario di MEP ta bisa minister di Raiz drecha RWZI of hala tras!

    Parlamentario di MEP ta bisa minister di Raiz drecha RWZI of hala tras!

    ORANJESTAD – Parlamentario di MEP Alvin Molina den un comunicado basta directo dirigi na e minister di partido RAIZ, Ursell Arends a mande ‘drecha’ e situacion na RWZI of hala atras. E la usa un palabra ingles mas ‘netchi’ pa expresa su mes, cu traduci na Papiamento kier men pupu. E parlamentario ta usa e expression ingles ‘Get your sh*t together’ pero enbez di usa e palabra sh*t, cu kier men pupu, e ta usa e otro palabra, manure cu ta mest (pupu di bestia bruha cu hooi cu ta wordo usa pa yuda fertilisa e tera).

  • Arends: Destino di e (ex) doño di cacho Khaleesi ta den man di Ministerio Publico

    Arends: Destino di e (ex) doño di cacho Khaleesi ta den man di Ministerio Publico

    ORANJESTAD – Destino di e doño di cacho Khaleesi ta den mano di Ministerio Publico. Asina minister di Naturalesa Ursell Arends a duna como update riba e caso cruel unda cu un cacho debi na maltrato severo di su doño, a bin fayece recientemente. E la duna e ultimo update den e programa Noticiacla LIVE na periodista Tito Laclé e siman aki. Por wak e segmento ey di e programa AKI. 

  • Ta evaluando colaboracion entre Arubahuis y CBA pa studiantenan yena vacatura na Aruba

    Ta evaluando colaboracion entre Arubahuis y CBA pa studiantenan yena vacatura na Aruba

    ORANJESTAD  – Directora di Gabinete di Aruba mr. Joselin Croes ta actualmente cu un bishita di trabao na Aruba. Na e ocacion aki den nomber di Minister Plenipotencario di Aruba na Hulanda mr. Ady Thijsen e la hasi entrega di e Relato Anual 2023 di Gabinete di Aruba na Banco Central di Aruba (CBA). 

  • Arumil ta celebrando 27 aña di existencia e aña aki

    Arumil ta celebrando 27 aña di existencia e aña aki

    ORANJESTAD - Recientemente, Minister di Enseñansa   Endy Croes a acudi na e celebracion deportivo di Arubaanse Militairen (Arumil) na Marinierskazerne na Savaneta. Arumil ta cumpliendo 27 aña di existencia e aña aki como boluntario y tabatin diferente actividad deportivo rond di Aruba diabierna ultimo. Minister Endy Croes a representa colega Minister di Husticia y Asuntonan Social Rocco Tjon den e ocasion aki. Durante e evento deportivo aki, e mandatario di Deporte a felicita e organisacion di Arumil pa e gran trabou cu nan ta eherciendo desde aña 1997 pa Pais Aruba. Dentro di poco ta bay finalisa e proyecto di “Operation Command Center na Savaneta”, den cual lo brinda oportunidad na personal di Arumil pa colabora hunto cu Cuerpo Policial Aruba pa eleva seguridad na Aruba. Minister Croes a indica cu den cuadro di Landspakket, Prome Minister Evelyn Wever-Croes y Minister Rocco Tjon ta trahando riba diferente aspecto pa mehora nan posicion huridico. Mirando e experticio y conocemento cu e organisacion di Arumil tin, desde januari di e aña aki, Cuerpo Policial Aruba a reestablece e contacto cu Arumil pa traha mas den colaboracion cu otro.  

  • Cu dos titulo ‘master’ den cartera, lider di partido HTC ta cla pa e proximo eleccion

    Cu dos titulo ‘master’ den cartera, lider di partido HTC ta cla pa e proximo eleccion

    ORANJESTAD – Despues di un silencio di 3 aña (aprox manera e mes ta bisa), e lider di partido politico HTC Gilbert Webb ta ‘back in the picture’. Riba e pagina di e partido riba Facebook, Webb a post un video unda cu e ta splica su ausencia y kico tur e la haci. Loke a hala atencion ta cu den e periodo aki, segun ‘su palabra’ e la logra no menos cu 2 (bayendo pa di tres) estudio Master ( e ta bisa master y MBO) di dos diferente Universidad.  Noticiacla no por a verifica e informacion di e master. A haya e scolnan riba internet di cual uno ta virtual, y e otro ta uno cu lo tin un edificio fisico na Chipre.

  • Zulo
  • Varadero
  • Powered by SETAR