Soldaat van Oranje ta wordo presenta durante Sail Aruba e siman aki

ORANJESTAD – “Soldaat van Oranje” ta yega Aruba e siman aki. E popular obra di guera, cu ta e obra musical di mas largo cu historia di Hulanda a conoce, ta wordo presenta durante Sail Aruba e fin di siman aki. Sail Aruba ta e evento maritimo di mas grandi den Caribe y ta tuma luga pa prome biaha na Aruba, den haf di Oranjestad, for di prome pa 3 di mei, den presencia di Rey Willem-Alexander y Reina Maxima. Den e presentacion unico y exclusivo di “Soldaat van Oranje” na Aruba ta aparece tambe e rol di e heroe Arubano di resistencia Boy Ecury. E coro di Marina Arubano ta contribui tambe den e presentacion special. Bou guia di e director Theu Boermans, cu e actornan original Matteo van der Grijn, Boy Ooteman, Kevin Schoonderbeek, Jorrit Ruijs, Raymond Paardekoper, Linde van den Heuvel, Sylvia Poorta en Noelle S. Keulen ta realisa nan debut actoral riba “One Happy Island”.

SAIL ARUBA

Sail Aruba ta marca e di 200 aniversario di existencia di Reino Hulandes y ta cay hunto cu e celebracion di e 350 aniversario di Cuerpo di Marina. E evento velero internacional aki ta presenta un arsenal di navenan impresionante, musica, festival di Seafood y otro eventonan cultural. Bishitantenan mag di subi e barconan y por diberti nan mes cu e diferente caredanan di botonan velero y di miniatura. Den un “Sail in Cinema” di berdad ta presenta peliculanan famoso cu a wordo filma riba lama. Interesadonan por participa den un caminata den cayanan di Oranjestad y mescla den e multitud den celebracion. Entrada ta gratis. Organisacion di Sail Aruba ta den mannan di Aruba Sail Foundation. Pa mas informacion, subi riba e website www.sailaruba.com.