Minister Maduro a reuni cu sindicatonan pa trankilisa nan miembronan

ORANJESTAD -  Minister Maduro a sigur cu e reunion recien cu sindicatonan SADA (Douane) y TOPA tabata un reunion regular. Di mes manera si e la admiti cu e reunion tambe tabat pa por atende y busca solucion pa e  inkietudnan di nan miembronan cu ta empleado publico trahando na un departamento cu ta resorta bou di su ministerio. Ta conoci cu pa masha tempo tin intrankilidad particularmente entre e sindicato SADA y e minister, ya cu e minister lo no ta atendiendo cu nan. Recientemente e sindicato a mustra publicamente cu nan no tabata haya oido di e minister. AWor e minister a sigura cu e tin reunion regular cu e sindicato pa atende cu nan problemanan. Segun e minister, e la reuni pa asina scucha nan preocupacion y pa busca solucion. “Ta importante pa sindicatonan por haya un bista y splicacion continuo di e retonan cu tin den gobernacion y e efecto cu esaki por tin pa e empleado publico” e minister a sigura. E minister a sigura cu bou di su ministerio ta resorta departamentonan cu ta haci un trabou ‘importante pa percura cu nos Pais por conta cu e entradanan necesario pa asina por sigura cu Gobierno por ofrece e servicionan cu comunidad ta exigi’. Asina mes hopi tempo e minister tabata ignora e sindicato segun e sindicato mes a raporta hopi biaha publicamente. E minister den un comunicado recien, e la sigura cu e   ta purba semper pa atende cu tur peticion cu ta regarda departamentonan cu ta resorta bou e cartera di finansa, na un forma mas diligente cu ta posibel. E minister a  gradici sindicatonan SADA y TOPA pa ‘e bon reunion y pa e esfuerso cu nan ta haci pa por yega na solucion pa inkietudnan di nan respectivo miembronan’.