Otmar Oduber: Ta keda na pueblo di Aruba pa lanta pa su derecho

ORANJESTAD – Awor cu caminda diplomatico no a funciona cu Hulanda, ta keda na pueblo di Aruba pa lanta para pa nos derechonan”. Palabranan di Minister Otmar Oduber relaciona cu e impasse cu nos isla tin cu Hulanda. E mandatario no ta bisa si, den ki forma e pueblo tin cu lanta para, ni pa ki tempo. E motibo si, según Oduber ta conoci, y esey ta pasobra Hulanda ta purba trapa riba nos derechonan logra cu nos Status Aparte.

Según Oduber, pa 6 luna largo a purba di yega na un solucion diplomatico pa e situacion den cual nos ta na e momentonan aki unda cu Hulanda cueste loke cueste kier dicidi riba nos finanzas publico. “Algo cu segun Statuut ta algo interno y no di Reino” Oduber ta bisa.

Di otro banda, Oduber a compronde tambe cu gobernador a bai Hulanda y dependiendo di e motibo, e por conta cu sosten total di Oduber. “ Por a compronde cu el lo ta bai reuni cu Conseho di Minister di Reino pa por logra finaliza e abuso tumando lugar cu nos isla. Si esey ta e caso, Minister Otmar Oduber a indica, gobernador ta conta cu su sosten total.